太太是初恋情人！郑丹瑞结婚38年 公开夫妻恩爱之道
郑丹瑞 (旦哥) 一向都是娱乐圈出名的顾家好男人，与太太结婚逾30年仍然恩爱如初，虽然二人已是老夫老妻，但是时不时都会被拍到旦哥与太太十指紧扣逛街，绝对是宠妻的好老公！
原文刊于：Sunday More、Sunday kiss｜编辑：东方新地｜图片:新传媒图片、Instagram
延伸阅读：
贴地生活模范！刘青云夫妇带大家落九龙城食好西
江嘉敏公开投诉男友未够浪漫 「送粒钻石好过！」
郑丹瑞与太太结婚38年恩爱如昔
旦哥因为主演广播剧《小男人周记》的阿宽而出名，参演过多部影视作品，亦凭著出众的口才主持过不少节目，如《劲歌金曲》及近年的《活得健康吗》等等。
View this post on InstagramMy work Make up for #郑丹瑞 #旦哥 #慈善星辉仁济夜 #星级主持 Make up by KElsy C @kelsy.c_c
A post shared by Kelsy Chan (@kelsy) on Jan 6, 2019 at 8:45pm PST
View this post on Instagram记住睇Tvb weekly 活得健康吗?节目介绍😉😉😉 #郑丹瑞 #梁嘉琪 #张景淳 #TVBWeekly #活得健康吗？
A post shared by Shirley Lau (@shirleylau1818) on Sep 8, 2015 at 5:57am PDT
旦哥的太太「沙律」原来就是他读书时期的初恋情人，二人即使相恋多年及育有两个女儿，但平日仍然过得非常 sweet，两人一起互相扶持至今。旦哥曾经说过太太一路上给予他很大的支持，亦指老婆是唯一可以治到他的人；在他经历生命中的高高低低的时候，太太每次都会在他身边鼓励自己，让他没有后顾之忧。
View this post on InstagramHappy birthday ahhhh….
A post shared by Happy egg (@happyeggba) on Apr 16, 2017 at 11:01pm PDT
View this post on InstagramCheng's family…
A post shared by Happy egg (@happyeggba) on Mar 6, 2017 at 3:22pm PST
不过作为一个男人，旦哥亦坦承自己也会有软弱的时候，都会有喜欢其他年轻女生的时候，但是他清楚明白那只是男人的幻想，绝对不会为了一时冲动而失去了一生中的最爱。
View this post on Instagram27. Too blessed to be stressed 💁🏻♀️💁🏻♀️😍😍😘😘🐙🐙 . . . . . . . #birthday #birthdaygirl #birthdayfun #family #familygoals #squad #squadgoals #love #familyfriends #famjam #babes #babesofinstagram #celebrate #celebration #homies #bff #bestfriend #bestfriendgoals #bestfriends #tooblessedtobestressed #cake #chocolatecake #hk #hkig #photooftheday #photo #monday #mondays #mondaymotivation #mood
A post shared by ZANETA 💃🏻 (@zanetacheng) on Mar 4, 2018 at 4:46pm PST
View this post on Instagram左拥右抱😎 @zanetacheng @mandarkc
A post shared by Happy egg (@happyeggba) on Jul 4, 2017 at 7:47am PDT
专访郑丹瑞：最想屋企「家嘈屋闭」！
郑丹瑞 （旦哥）与老婆相识43年，结婚38年，两人的相处之道是互相忍让、互相尊重，郑太明白丈夫偶尔工作不顺，会带情绪返屋企。「如果佢脾气系可以理解，就忍下佢先，下咗道气先问番佢点，好似朋友咁倾偈，如果倾唔埋就忍咗算啰。」虽然两公婆好少嗌交，但旦哥反而最想屋企「家嘈屋闭」！
郑太笑丈夫发脾气个样好难睇，后生未结婚前也是如此，「等佢下气我就做番个样俾佢睇，知唔知你头先咁丑样呀？下一次佢就会收敛吓。」两人有小朋友后，旦哥尽量不会在小朋友面前表现丑态，自觉返入房。
![19]()
19
屋企必须有爱
自有小朋友之后，旦哥忙于工作赚钱养家，郑太主力管教女儿，对大女稍为严厉，希望她能做好榜样给细女。曾当中小学教师的郑太深信，想女儿健康快乐成长，家中必先有爱，才能做好沟通及教育。「一家四口八只脚，大家要互相体谅、相亲相爱。当小朋友唔开心，就慢慢同佢沟通，代入番小朋友个年纪去谂佢处境，一齐解决。」
郑太对人的处事方式一直以对方为先，助她广结友缘，再应用家庭上一样奏效。「好似我同你倾偈，我都会谂你先，你希望我哋个访问点样？我再去配合你。正如小朋友有咩需要，我就代入佢，从佢角度去谂，就唔难理解佢需要啲咩、嬲紧乜嘢。」
对小朋友爱的定义，各有睇法。郑太的定义为，让小朋友因感到被爱而开心，当有爱做后盾，即使父母不在身边，小朋友都能独立，恒久地走下去，遇到困难亦能处变不惊地解决。「俾佢开心，唔系佢想玩就俾佢玩，佢想自由就俾佢自由𠮶种，系要从心而发去爱佢。」
姊妹同房 自己解难
女儿Zaneta和Amanda从英美大学学成归来，成绩好，性格又独立，原来是郑太从小培养的！郑太从小就教她们自己解决问题，「细个有次大女与同学发生问题，同学个家长误会咗，大女同我解释之后，我叫佢自己打俾个家长讲番，但佢想我代佢讲，我话唔得，因为呢件事系你哋之间嘅误会，如果个家长都系唔明白的话，你先揾妈咪。卒之佢打俾个家长讲番，事情解决咗，佢学识点解决问题之余，自信心亦大咗。当人与人之间有误会，你用正面态度去讲番，对方都应该会明白。」
这亦正正解释到，为何郑太坚持要两个女同一睡房，开心一齐笑，闹交就自己解决，令两姊妹感情非常深厚。Zaneta和Amanda异口同声笑说：「我哋有问题会大吵大闹，瞓喺碌架床都仲闹：『I hate you Amanda！Shut up Zaneta！』但我哋始终同一间房瞓，日日都面对大家，好快就做番好姊妹，妈咪都叫我哋要揽番大家。」
晚晚返屋企食饭
旦哥以四个字形容屋企关系：家嘈屋闭。「系positive嘅家嘈屋闭，啲女成日整蛊阿妈，阿妈又捣气，大家成日废话一轮。我觉得有咁嘅屋企仲想点啫？人生道理，佢要听已经听咗，一路以来我同老婆只可以用身教，俾佢哋睇到一个家庭系点，知道我点努力做嘢。」
旦哥谢绝应酬，每晚返屋企食饭，利用晚饭时间维系家庭，了解孩子。「我老窦都系晚晚返屋企食饭，阿妈都好嘢，每晚都有唔同菜式，到我依家都系晚晚返屋企食饭，十点瞓觉，个女咁大都想晚晚见，前世情人吖嘛！」
他希望女儿承传郑家「晚晚返屋企食饭」的传统，延续family bonding，「冇咩特别哲学，就系一家人齐齐整整，食个饭，嘈喧巴闭，咁就得喇。以前做嘢好大压力，供书教学，返屋企会发脾气。依家？我冇晒脾气，唔想做咪唔做啰，系时候去享受家庭乐。」
女儿学成归来 郑丹瑞 : 老婆管教有方
女儿Zaneta和Amanda已分别28、27岁，从英美大学学成归来，成绩科科A，但两人皆非读「赚钱」科目，Zaneta在美国宾夕凡尼亚大学读政治及英国文学，Amanda的科目更冷门，在英国伦敦大学学院读考古。年前旦哥一篇女儿去考古的文章，成为教育潮文，久不久就被网民「翻loop」。旦哥夫妇明白人要揾食，但宁愿女儿慢慢咀嚼，先喂饱灵魂。郑太从小就教好女儿道德观、自立及自学精神，培养她们成为一个有独立思想，有灵魂的人。
国际学校功课一样多
90年代初两女出世不久，旦哥便举家移民加拿大，1998年回流返港，两女入读德瑞国际学校，完成中小学。传统本地学校出身的郑太未曾接触过国际学校，欣赏德瑞的新颖教法，鼓励女儿多向妈咪分享，「我话你哋喺学校学紧嘅嘢，可能我都未学过，我已经读完书，不如你哋教番妈咪啦，佢哋讲得好开心！」
Zaneta闻言即为国际学校的学生平反，功课量绝不输本地学校，学生竞争之大更是国际级。「我哋𠮶阵都做到半夜两三点，一样要考试，我哋唔只同香港学生斗入香港嘅大学，系同全世界斗入好嘅美国、英国大学，如果入唔到一间好嘅大学，喺学校会被视为失败，所以压力都好大，唔勤力考多啲A点入到。」郑太指德瑞教到学生自发向上，重纪律，惟中文教简体字，要从课外书补充繁体字知识。
读书须尊师重道
无论读哪一间学校，郑太对孩子的要求非首重成绩，而是尊师重道。「返学一定要尊敬老师，听老师话、嗌早晨，唔可以有任何不敬态度，呢一点好重要。可能我同以前老师仲有联系，个女就睇到原来学生可以同老师关系咁好，将来可以成为朋友，所以佢哋觉得老师系好好，返学好似返屋企咁，教乜嘢都容易接受。」
课余她们最爱看书，一本Harry Potter两姊妹轮流看，每人四小时一日看完，沉迷书本的程度犹如细路打机不离手，食饭都要看书，父母要劝她们「食埋饭先睇啦！」郑太从小带她们到书局，让她们自行选择，培养了她们的阅读习惯。Zaneta指小时候受到Roald Dahl作品《Matilda》的启发，书中的女主角5岁已看完儿童图书馆的藏书，6岁开始看成人馆藏，「我都想好似佢咁！我开始喺学校图书馆入面由A睇到Z，全部书都睇晒，之后就可以睇成人部。书系有种魔力，有好多选择，去到边都睇得，加上以前冇internet，但我依家一样搭车会睇书，行路都睇到。」
喂饱灵魂比赚钱重要
Zaneta经努力之下，IGCSE摘下11个A升读美国宾夕凡尼亚大学（University of Pennsylvania），主修政治及英国文学，学习世界不同议题，她最希望了解到自己在世界上的位置。「我想领悟呢个世界发生咩事，我个位置喺边？我系一个点样嘅人？读读吓我发觉政治讲唔到俾我听，之后我上咗堂莎士比亚，喺一个话剧入面佢讲咗一句：人只系海嘅一滴水。我哋喺世界嘅地位系点，我觉得文学仲清楚讲到俾我听，因为文学仲要知道作家写时嘅政治气氛，所以我拣埋读文学，最开心功课系要求每星期睇故事书，有时仲可以拣睇戏，原来戏系可以另一角度欣赏嘅。」
Zaneta之后到英国攻读莎士比亚历史系硕士，进一步领悟这位大文豪。为赚钱而读书，还是为满足灵魂而读书，各取所需。旦哥夫妇宁愿女儿喂饱灵魂，旦哥曾道出，「人生而要揾食，这个当然。但也有很多种『食相』，有人狼吞虎咽，甚至食埋隔篱𠮶份，结果人吃饱了，却饿死了灵魂。我宁愿我的女儿慢慢咀嚼，先喂饱灵魂。」两个女都做得到了，细女Amanda亦考入英国伦敦大学学院（University College London），却拣选最小众的科目「考古」，一度惹起家长间谈论。
考古揾到工
Amanda笑言，当初选科未清楚方向，曾考虑过历史，但怕将来工作死板坐office，不如「考古」四出挖掘，可以飞来飞去。「读考古系好玩，但我都知道揾工难好多，读完睇吓有冇机会用啰，考古训练到我好organized、好detailed， 可以摆入其他工作度。」Amanda返港后已找到工作，担任旅游节目的制作助理，继续飞来飞去！
2013年旦哥写了一篇潮文讲细女读考古，当时Amanda读Year 2，到Year 3文章又被疯传，「我有朝起身突然收到几十个messages，『喂，点解facebook有篇文讲你嘅？』我系睇过篇文嘅，有提到难揾工，其实读边科都难揾工，就算医生、律师都好大竞争，仲劲过我想做嘅工啦，不过我可以做嘅工种少啲。」她有考虑过找回考古工作，但香港只有政府有考古，主要坐office工作，好少外出机会，「似做PR多过做考古。」
去以色列考古实习的一段经历教她最难忘，在打仗中挖掘历史，「掘咗两三星期后，以色列打仗好多爆炸声，成日听到响钟声叫人去安全地方匿埋，凌晨三点都要起身。其实整个经历都唔太惊，因为啲炸弹唔喺我哋附近落地，又冇见到炸过嘅地方。」
两姊妹毕业后没打算留英发展事业，选择返港回父母身边，在港工作吸取经验，再作打算。Zaneta说：「喺英国我同妹妹一齐住，我做过一阵时装杂志，但佢哋冇钱继续留我，而我又好挂住爹哋妈咪，婆婆都90岁喇，所以我想返嚟陪佢哋一阵。」她有位比利时律师男友，但现阶段不想在比利时发展，现正在香港一本时尚杂志任时装记者。「我觉得文字同著衫都系一种沟通方法。」
旦哥夫妇原以为两个女鬼妹仔性格，毕业后会在外国落地生根，岂料两女爱回家，旦哥觉得自己赚咗。「我话过你哋钟意返嚟又得，喺边揾到食就最好啦，佢哋谂清楚后都系想返嚟攞经验先。本来冇期望佢哋返嚟，呢两年突然返嚟身边，系好开心。」
现在一家四口的关系像朋友，话题比以前更阔，女儿亦不再是小女孩，旦哥乐得轻松。「夜晚唔使再提佢哋考试温书，听日要返学。佢哋已经大个女，有自己工作、生活，但又住埋一齐，呢种感觉系未试过，以前系我take care佢哋，依家等佢哋take care我，好似今日做完访问，家姐今晚煮饭俾我食。」
延伸阅读：
50岁李婉华生完3个都咁fit 劲减70kg全靠…
