难得休息唔知做咩好？2019十大Netflix原创剧睇咗未！
原创剧集，Netflix潮流
2016年，万众期待嘅网上影视平台Netflix，终于喺香港登场！Netflix嘅出现，可以话完全打破咗香港人睇剧嘅心态，好多人原本睇死Netflix喺香港搞唔起，因为要香港人付费睇嘢根本无可能，连Whatsapp每月8蚊都唔会畀喇。但系呢，Netflix竟然奇迹咁得到香港大众支持，每年推出嘅新剧都成为网路热话，好似《黑镜》、《怪奇物语》、《汉娜的遗言》等等，都极受香港人欢迎。Netflix高质原创剧集，喺2019年已经成为咗香港人日常必讲嘅潮流话题，未睇随时无话题！想要追上潮流，想要睇睇高质剧？今日就等DailyView同你介绍2019年截至10月14号首播嘅十大Netflix原创剧集，睇返几部，同人哋吹水都多个话题！
DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。
10 《从心看我》（127笔）
——正视种族歧视
《从心看我》（When They See Us），真人真事改编，高度还原1989年美国发生嘅强奸案(Central Park Five)，有五名黑人被告喺纽约中央公园强奸一名白人女性。但系，呢单案件只系因为佢哋肤色，就认为佢哋犯下罪行，根本系老屈。喺1989年五位黑人首次被检警侦讯，2002年先改判无罪开释，再喺 2014 年同纽约市达成和解，历时20几年，亦都代表咗佢哋失去咗人生四分一嘅光阴。《从心看我》还原返呢单案嘅真相，五位黑人嘅心路历程，好有意义，仲喺IMDb取得9分！
image source:
9 《人格四重奏》（164笔）
——勾心斗角女人计
《女孩，四绎》（Persona），一共有四集，每集都系独立故事，由唔同嘅知名韩星演出，成为呢套刻相当引起香港网民关注嘅原因。呢几位韩星有边几个呢？分别系另一部Netflix剧集《李尸朝鲜》嘅裴斗娜、韩国美少女歌手李知恩IU，同埋做过《偷天对决》嘅朴海秀，咁多靓女，难怪会有咁多香港网民讨论佢哋喇！虽然IMDb只系得6.6分，但系呢，只系睇佢哋演出都值喇！呢四集故事各有特色，共同嘅，系讲紧女性爱情嘅故事，如果对佢哋，对爱情故仔有兴趣，就不妨一睇。
image source:
8 《五行刺客》（166笔）
——冯德伦执导
香港呢，就大把劲人，周不时都有有料之人冲出国际。俗语话，古有李小龙，今有冯德伦。无错，点解《五行刺客》（Wu Assassins）呢部剧集咁多香港人讨论？就系因为居然有香港人执导嘅剧集，喺Netflix呢个国际全球影视平台上面登场！《五行刺客》系一部重视武打嘅剧集，背景设喺洛杉矶嘅唐人街，主角系一位积极向上嘅厨师凯（Kai Jin），被选中成为最新亦都系最后一位「天选者」。即系咩？即系要系咁打坏人，直到世界和平为止啰！IMDb得6.5？香港武打加10分喇！
image source:
7 《雨伞学院》（229笔）
——漫画改编英雄剧
《雨伞学院》(The Umbrella Academy)，一喺Netflix登场，即时引起香港网民喺各大讨论区不断吹水，成为热门话题。原因无他嘅，香港人一向钟意睇英雄剧，尤其系《雨伞学院》嘅设定咁特别，六位主角各有特色、性格同超能力。好似有位识瞬间移动，杀人唔眨眼，又有位只要讲出声，就可以令人哋对佢言听计从，认真吸引。佢哋唔止打得，仲相当有血有肉，六位角色周不时都有冲突，但系面对大问题，又要互相合作，真系剧力万钧。IMDb8分咁高，真系叔叔不行鸟！
image source:
6 《超能男孩：万能妈妈》（278笔）
——非一般英雄剧
如果你对传统嘅英雄剧集无兴趣，咁《超能男孩：万能妈妈》(Raising Dion)，可能就相当啱你嘅口味喇！因为呢部剧集正正系英雄剧之中嘅破格，创意咪就系呢种啰！《超能男孩：万能妈妈》，睇个名都知，有超能力嘅系男仔，而妈妈呢，虽然佢无超能力，但必须照顾呢位啱啱先有超能力嘅男仔。同时间，佢哋要躲避政府追捕，又要追查出老豆之死嘅原因，到底一切风暴背后嘅真相系咩呢？男仔有超能力，都要有阿妈识得照顾佢先得。IMDb7.1分，单睇创意都吸引观众喇。
image source:
5 《难，置信》（315笔）
——不受信任嘅受害者
Netflix原创迷你影集《难，置信》（Unbelievable），9月推出无耐，网民已经异口同声咁一致对呢部剧集好评，IMDb8.6分喇！睇剧名都知，呢部剧集并唔系咩小品温馨剧，而系讲紧社会嘅阴影。《难，置信》描述咗少女玛丽阿德勒 (Marie Adler) 嘅悲惨故事，佢系一位华盛顿18岁少女，喺2008年报警表示自己被闯入家中嘅入侵者强奸。但系警方、社会都唔信佢，一齐Blame the Victim。呢部剧仲要系真人真事改编，都咪话唔可怕！到底佢有几惨，又点平反？一齐睇睇就知喇！
image source:
4 《李尸朝鲜》（339笔）
——韩国丧尸大战
如果你钟情睇丧尸片，可能已经睇哂西方嘅丧尸片，或者会觉得呢类型嘅片真系拍到无咩新意。但系你咁样谂就错喇！《李尸朝鲜》（Kingdom），就系用韩国嘅文化、历史背景，拍出咗IMDb8.3分嘅丧尸片！呢部剧嘅背景唔系现代，而喺16世纪嘅朝鲜王朝，王世子李苍想见卧病在床10多天嘅父王，但系宫廷中人唔俾佢睇。为咗知道点解，佢微服查访寻找曾经医过父王嘅大夫，意外发现原来瘟疫扩散紧整个韩国。呢种瘟疫，会令人死而复活，爱吃人肉，王世子到底可以点做呢？
image source:
3 《迷离岛》（499笔）
——IMDb4.4分
《迷离岛》（The I-Land），听个名都知，同当年美国热爆全球嘅剧集《谜》（Lost）相当似。咁《迷离岛》呢，又的确系同呢部经典美剧有雷同嘅地方。佢哋都系以一座远离世界嘅陌生岛屿做背景，不过《迷离岛》仲神奇，十位角色系呢个岛入面，都系失咗忆，完全唔知自己点解会喺呢个地方。佢哋当然知道事情无咁简单，为咗要解开谜底，一齐努力喺呢个地方揾到真相。呢种以解谜为主嘅剧集，相当要求观众嘅智力，如果自认唔怕解谜，呢套剧集，或者就系你嘅精彩选择！
image source:
2 《性爱自修室》（1088笔）
——青少年要性教育
《性爱自修室》（Sex Education），睇个名都知，系讲紧性教育嘅。性教育呢样嘢，唔好讲香港，连外国都无咩真系教得好，但系呢样嘢偏偏好重要。剧集入面，男主角系一位中学生，佢阿妈就系一位性学专家，由细到大佢都听咗唔少有用嘅性知识。有一日，佢就同学校入面一位MK妹合作，帮同学做性方面嘅帮手，解决青少年面对嘅性问题。呢种背景，听落已经好有趣，可以顺便学埋正确嘅性知识，睇剧之外，都俾性教育吓。性爱自修室？喺屋企自己睇剧都做到。IMDb8.3分，正！
image source:
1 《全祼监督》（1888笔）
——日本AV发展史
全球劲红嘅日剧《全祼监督》（Naked Director)，唔单止要睇山田孝之嘅精采、卖肉演出，更要知道呢部剧入面，反映咗日本色情行业嘅发展史。主角西村透，喺日本系真有其人，呢部剧集，只系真人真事改编，其中嘅大事都忠实历史。日本色情行业影响全球，就算你自己无睇，你身边都总有几个人会留意。点解日本色情行业可以做到咁大？佢哋又系点解一步一步咁变成今时今日咁？呢种问题，就等我哋睇呢部IMDb8分《全祼监督》，跟住山田孝之演出嘅西村透，一齐了解喇！
image source:
分析说明：
本研究资料由《KEYPO大数据关键引擎》提供，分析时间范围为2018年10月13日至2019年10月14日。
网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论『2019十大Netflix原创剧集』相关文本进行分析，并根据网友就该议题之讨论，作为本分析依据。
本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。
推荐文章︰
网路爆红十大社会定理你识几个？曼德拉效应都系得第八名咋！
「一芳」母公司再开新手摇品牌 网狂推：帮高调
