哥哥真乖

薛嘉麟與太太諸葛紫岐（Marie）今年4月再添一子Andersen，升呢幸福四口之家，今日設百日宴，筵開22席與親友分享喜悅。Marie以她鍾愛的卡通人物「麵包超人」及氣球悉心佈置現場，除了精緻的雙層蛋糕，更有卡通杯子蛋糕、雪茄型朱古力，及寫有Andersen字樣的馬卡龍等。

薛嘉麟謂以馬戲團為百日宴主題，是太太與哥哥Arthur的愛好。

Marie與老公齊齊亮相，但未有帶同主角Andersen與大家見面。薛嘉麟指百日宴主題是馬戲團，是太太與哥哥Arthur的愛好。問Marie湊兩個小朋友辛苦嗎？她說：「都OK，主要是第一個時吸收好多經驗，現在冇咁緊張。（修身都好快？）係呀，因為同第一胎生時差不多，所以冇咁緊張，第一胎時緊張好多。（細仔乖嗎？）弟弟好好湊，好乖，只有肚餓時會喊，飲完奶便好乖，但目前未戒夜奶，3個鐘餵一次，想4個鐘都唔得，暫時冇覺好瞓。」

諸葛紫岐同老公都話細仔好乖，哥哥又錫細佬。

問到Andersen較黐誰？薛嘉麟笑說：「佢好乖，唔扭計，個個抱都得。」Marie又希望細仔先學識叫哥哥，說：「不如叫哥哥先，哥哥真係好錫佢，佢都成日同細佬講叫哥哥先唔好叫父母住。」薛嘉麟表示已為Andersen取中文名，夫妻二人想了4個名字，由哥哥從中選擇，宴會上亦會頒一個「最佳哥哥獎」給Arthur。Marie說：「因為佢一直好保護細佬，又不會呷醋，細佬一喊我們手腳慢點都會畀哥哥鬧。」

薛嘉麟謂以馬戲團為百日宴主題，是太太與哥哥Arthur的愛好。

提到Marie身形沒變，她直言好開心產後可以維持到好身材；老公薛嘉麟則說：「初時唔公佈係唔想太太有壓力，因為第一胎情緒波動大，今次希望畀多點空間佢，令佢舒服點。」問到二人會否「收工」還是仍有計劃再為兒子添弟妹？Marie甜笑問老公「收工未？」，薛嘉麟說：「今次要問細仔，因為要尊重兩個囝囝。」問Marie以兒子為先，老公排到第幾位？Marie望住老公甜笑，薛嘉麟笑言：「是冇所謂，太太在我心中排首位，我只要在她心中有位置便可。」

薛嘉麟謂以馬戲團為百日宴主題，是太太與哥哥Arthur的愛好。

薛嘉麟謂以馬戲團為百日宴主題，是太太與哥哥Arthur的愛好。

薛嘉麟謂以馬戲團為百日宴主題，是太太與哥哥Arthur的愛好。

薛嘉麟謂以馬戲團為百日宴主題，是太太與哥哥Arthur的愛好。