期待快啲聽到新歌啦！

盧巧音 (本網記者攝)

由蓋世寶（Lulu）、黃冠斌主持的香港開電視節目《一曲走天涯》今日進行錄影，邀得盧巧音(Candy)，大談多年來音樂路上的喜與悲，揭開Candy鮮為人知的一面。

盧巧音 (本網記者攝)

Candy表示在節目中分享很多音樂故事，勾起好多以前初出道做歌手的回憶。「好多以前嘅感覺都返咗嚟，好掛住舞台，好掛住以前同台合作嘅歌手。」被問到最近音樂大計，Candy透露暫時製作一首改編歌同新歌，同舊朋友合作，不過新歌主題不是慘情歌，希望以發放正能量的正面歌曲為主。

盧巧音 (本網記者攝)

被問疫情下有否影響工作安排，Candy表示：「點都會有影響，但最重要唔好影響心情，藉空檔時間去增值自己同休息，同家人多啲相處，同老公多啲相處，希望疫情快啲過去。」另外，Candy透露原訂今年出國跑馬拉松亦因而取消。「原本會去2月高雄半馬同4月倫敦馬拉松，但同公司商量後決定唔好去，盡量留喺香港，因為香港嘅跑友都需要支持，留喺自己地方提起香港人跑步嘅興趣都好重要。」

盧巧音 (本網記者攝)