估計Elanne正調理身體，ready生番個「生煎包小王子或小公主」！

 30+1的江若琳(Elanne)將於本月23日下嫁「生煎包王子」蕭潤邦(Oscar)。日前晚上，本報在銅鑼灣巧遇準蕭太，見Elanne獨自在超市掃貨，其後Oscar前來會合，到附近睇中醫。聽見中醫師猛同準新娘講「調理吓好易好快O架嘞！」之後二人一臉喜悅步出。

今年9月，Elanne 31歲生日，Oscar安排兩家父母同遊布吉，女方大表窩心。

Elanne行超市買咗杯乳酪和兩支鮮奶。

買餸時，Elanne不時和男友傾電話問對方意見。

在對的時間遇到對的人，Elanne和Oscar相識11年，直至16年尾在上海擦出愛火花。一直計劃35歲先嫁人的Elanne，仲話同Oscar拍拖一個月已想拉埋天窗。去年4月，女方在ig公開戀情。同年底Oscar求婚成功，二人揀在今年1月男方生日時公佈婚訊，再籌備12月23日的童話婚禮。Oscar搵到真愛後，擁有多間食店的他，今年初曾斥資逾百萬開了一間「生煎皇后」為名的麵店送給未婚妻，惜該店開業半年卻「摺埋」。不過，Oscar仍對未婚妻一條心，甚至連禮金都給足兩次，以行動證明非Elanne不娶。

當年退出樂壇到上海學整生煎包嘅Oscar，在飲食業闖出一條血路。

Oscar趕去陪未婚妻，兩人就算淋雨都甜蜜過人。

10月時，Oscar依足傳統過大禮，自爆為表心意，已是第二次畀禮金。

星級兄弟姊妹團

據悉，二人大婚當日，兄弟姊妹團星光熠熠，包括謝安琪、張繼聰、JW(王灝兒)、小肥、HotCha和DJ當奴等。日前傍晚，本報先在銅鑼灣時代廣場超市巧遇Elanne。見她獨自買餸，買了凍肉、麵條、豆漿、乳酪和鮮奶等，食得有營。給完錢後，未婚夫Oscar校啱時間來湊未婚妻，然後再去附近商廈上樓陪Elanne睇中醫。兩人逗留半小時離開，記者上前採訪，問準新人是否「雙囍臨門」，有喜訊？Elanne甜笑否認：「唔係呀！呢排忙搞婚禮又拍劇，少休息想調理吓身體。」Oscar肉緊搶答：「佢有唔舒服，有嘔O架！」連忙問女方是否懷孕，Elanne笑言：「未呀！唔夠瞓啫！想睇醫生調理吓，準備吓囉。」Oscar亦表示有針炙強身，睇來兩人積極「備孕」，大有機會下年生個豬baby喎！

當晚，Oscar陪未婚妻Elanne睇中醫調理身體，等候時貼頭黐到實睇手機，非常癡纏。

Oscar突爆另一半「有嘔」，Elanne尷尬大笑，叫記者咪「誤會呀」！

月前，兩人遊馬爾代夫預支蜜月，婚後將去英國度蜜月兼睇波。

江若琳早前和Oscar影咗幾輯唔同feel嘅婚照。