陸詩韻的太子妃雖然乞人憎，但第一集便被殺死真的很可惜！

無綫重頭劇《宮心計2深宮計》播出頭兩集，米雪和飾演太子妃的陸詩韻就已經被殺，雖然這位太子妃只出了幾幕就完結，但她極度挑釁的說話、尖酸刻薄的行徑，確實是「人人得而誅之」，更被讚演技大躍進。

05年港姐亞軍陸詩韻於八年前開始從商，年前與朋友合資開餐廳，其後又與內地夥伴大搞性感內衣生意。雖然最後都未能成功，但擁有打不死精神的她，三年前就由日本引進護膚品牌開網店，更為了裝備自己，即將大展拳腳，做美容天后。另外，早已考得咖啡師牌的她，更準備報讀藍帶麵包師課程。

已經九年沒有幫無綫拍劇的陸詩韻將角色的性格表演得淋漓盡致，她開心的說：「我接到呢個角色之後，就立即將《宮心計》重複睇咗四、五次，當年楊怡做嘅角色，真係做到好乞人憎，我以佢為藍本，揣摩佢嘅諗法同埋心態，再加上小青姐（《宮》的總監製梅小青）畀咗好多意見我，令我將太子妃不可一世、討人厭嘅感覺，做得恰到好處。」

這位大太子妃第一集就被殺死，讓網民大叫可惜，但陸詩韻卻表示已過足戲癮，「有場戲斷斷續續吊威也吊足幾日，啲衫又重，裏面有條棍，我要挺胸收腹，又唔可以呼吸，每拍完一次又要吊番落嚟，好大工程，真係好吃力，個個見到都話我死得好辛苦！」

曾為了工作，能夠兩日三夜不眠不休的陸詩韻，笑言自己絕非「花瓶」。日前，《東周刊》就拍到她到健身中心狂操，跑步、踩單車、瑜伽樣樣做齊。運動期間，她更忙得不可開交，電話響個不停，要一邊做運動一邊工作。