好期待kay個唱！

Kay之前去米蘭順道為個唱拍宣傳照。

謝安琪（Kay）將於後日（9日）起在紅館舉行一連4場演唱會，暌違3年再登紅館舞台的表演。今次Kay和公司團隊，在每一個環節及細節，均花盡心思力求完美，Kay一開始也預告今次個唱將會一反傳統，演繹方法亦有別過往演唱會形式，既是音樂會更像一個故事詮釋，說：「今次主題叫kay...isn’t me，係關於一啲我閱讀自己心靈上嘅感受，好想同大家分享，演唱會呈現方式會類似音樂劇，冇對白，全用歌曲去表達，歌單係自己用了3個月去挑選。」早前Kay米蘭4日3夜之旅，為品牌睇騷拍片外，亦抽空在當地搵靚景拍攝。

Kay之前去米蘭順道為個唱拍宣傳照。

Kay之前去米蘭順道為個唱拍宣傳照。

Kay坦言了解樂迷愛用閃光燈、螢光棒和燈牌等方式跟歌手聯繫。但今次紅館演出，為使入場觀眾可以置身謐靜和充滿想像力的空間，迎接Kay為大家準備一個充滿個人感受的旅程，所以希望歌迷可以當這個演出，是Kay這些年心路歷程的分享，說：「你試想像譬如你入戲院，其實一熄燈，你就已經有心理準備，透過黑暗和寧靜，進入一種意念裡面，你的感觀亦會突然變得敏銳。所以我之前已經呼籲歌迷會，唔好準備螢光棒、燈牌、bon bon棒、bi bi哨子呢啲嘅打氣工具，目的係希望觀眾可以細心欣賞我哋悉心為大家準備呢個咁不一樣嘅紅館演出。」