余德丞表示唔會對踢波留有陰影。

余德丞已慢慢做回運動，王麗嘉則謂不太喜歡做運動。

余德丞（Dickson）與王麗嘉出席「香港世界盃場地單車賽」星級打氣活動。余德丞小時候已經懂得踩單車，跟大家一樣遇過不少意外。他試過連人帶車飛入泳池，笑言：「另一次嚴重啲炒落花槽，炒到手指甲都就嚟甩，之後醫生拔咗隻指甲，我到而家都仲Keep住。」余德丞表示已開始再做運動，他說：「慢慢做番健身同踩室內單車，但仲未踢得波住。（對踢波會否有陰影？）未試過，唔知住，相信無。」

余德丞

此外，王麗嘉穿上運動Bra Top亮相，健康又性感。她透露是父親王敏德教曉她踩單車，過程非常安全，更會做足保護措施。她笑道：「其實我唔係好鍾意做運動。（身材咁好會否擔心多人望？）人哋望都無辦法。」身旁的余德丞則搭訕道：「如果做運動着褸會生熱痱㗎。」

王麗嘉

同場的前港隊單車手胡健燊（Jack），談到緋聞女友麥明詩在踩單車到柬埔寨活動期間發生意外拉傷肌肉，他表示全隊人都有受傷，只是沒麥明詩嚴重，並相信對方日內可以再度出發。問到兩人可有發展空間？他說：「點解問呢啲？你唔好理我有無女朋友，呢啲係私事。」

胡健燊