演到入血 「御用警察」吳卓羲：完全覺得自己是警察
吳卓羲笑言自己已當差十多年。
（本網記者攝）
（本網記者攝）
前無綫小生吳卓羲（Ron）擁有豐富的「警察」資歷，曾演過不同部門的警員，更因而有網民為他做了一份「警察履歷」，引起廣泛討論。Ron稱有留意到自己13年的「警察」生涯，並笑指快將成為「一哥」。被問到何時會「升呢」當「一哥」？Ron回應：「冇㗎，未咁快住，一哥冇咩嘢做㗎嘛，只不過係開會。可能10年8年後啦，姐（現時）個樣未係去到一哥咁嘅樣，即係可能仲大個啲啊！」至於尚有甚麼警察部門未「加入」過，Ron表示除了交通警、水警外，其他部門的警察也演過，但也不怕因而被角色定型，因為「有得拍好過冇得拍」。
《學警雄心》（資料圖片）
《學警出更》（資料圖片）
《學警狙擊》（資料圖片）
Ron飾演警察深入民心，問到他會否覺得自己也像一名警察時，他笑謂：「我完全覺得自己係一個警察，所以喺警例或者警察嗰方面， 我就已經係好熟嫁喇，話晒都當咗差十幾年。」那他又有否曾考慮過不當演員，轉行當警察？Ron即否認，表示自己只喜歡演戲，而非想當警察，「咁警察係好嘅，但可能因為我拍過好多次警察嘅角色，知道警察都幾辛苦，但唔止係體力上嘅辛苦，捉賊或查案其實都要好花神，咁所以都係拍返戲啦！」
（本網記者攝）
（本網記者攝）
（本網記者攝）
《流金歲月》（網上圖片）
《流金歲月》是Ron首部有份參演的劇集，他在劇中飾演一名便衣警察，可見他入行之初已「投身警隊」。他形容當時的自己是個拍戲的初哥，而第一個對手就是羅嘉良（撈家），由於他入行前已於電視機上看撈家演戲，而在劇中又需要盤問對方，令他非常緊張。憶起當時的拍攝軼事，Ron認為那是一個可笑又有趣的經歷。
《少年四大名捕》（資料圖片）
《學警出更》（資料圖片）
《學警出更》（資料圖片）
《學警狙擊》（資料圖片）
邵氏網劇《飛虎之潛行極戰》現正熱播，作為男主角之一的Ron再度飾演警察，角色起初是一名O記高級警員，其後才參加飛虎隊的行動。劇中的Ron與黃宗澤為同父異母的兄弟，二人每次一見面便會吵架，但其實現實中兩人是一對相識多年的好兄弟，曾先後合作過多部作品，且經常相約聚會，老友鬼鬼！
（《飛虎之潛行極戰》劇照）
（《飛虎之潛行極戰》劇照）
談到若然與《飛虎》中的一位演員交換角色時，Ron不加思索就選擇了苗僑偉（三哥），笑言：「舒服囉！開早又唔使咁早，同埋因為戲內所有嘅佈局都係佢（佈）。通常我係被人佈局開，如果我做三哥個位，我就佈局返佢，由三哥嚟做我個位，等佢打餐飽！做三哥啦，舒服呀佢！」
（《飛虎之潛行極戰》劇照）
（《飛虎之潛行極戰》劇照）
Credits：
化妝：Marsha Ma
場地提供：
White Button Cafe & Dessert
（本網記者攝）
（本網記者攝）
（本網記者攝）