大女和媽媽一樣愛做善事，好有善心！

日前傍晚，富豪劉鑾雄(大劉)的愛妻甘比和10歲的大女秀樺在三名保鏢護送下，現身銅鑼灣時代廣場。兩母女逛完超市再去買玩具。其間，大女秀樺無論吃豆腐花還是雪糕，都愛與媽咪你一口我一口，開心share。氹到甘比雙眼笑成一條線，有乖女甜餵好幸福呀！

有愛女甜餵，甘比甜入心。

現年39歲的甘比，同老公大劉育有3個小寶貝，分別是10歲秀樺、5歲仲學和今年1月尾出世的小公主Josie。甘比雖然坐擁幾百億身家，但少奶仍堅持親自帶孩子，同時亦全力推動丈夫的慈善基金事務，愛身教子女行善，非常有心。

早前，劉氏夫婦亦響應呼籲，以劉鑾雄慈善基金捐出690萬元幫助患有罕見心臟病及第四期神經母腫瘤的17個月大男嬰張可仁及罕見病童。而大女秀樺亦將瘋玩的「鬼口水」加工變成生意，賺到的「第一桶金」雖然不多，但學慈善父母一樣，全數捐出做善事，幫助有需要人士。

打扮好潮嘅甘比，烏低身食完囡囡餵嘅雪糕，再同小公主貼頭講笑，畫面好有愛。

日前傍晚，一身黑色潮裝打扮的甘比和大女坐七人車去時代廣場shopping。大眼秀樺快高長大，已跟媽咪膊頭一樣高。兩母女在三名保鏢護送下先去超市買東西。甘比任寶貝女揸弗，見小公主挑了一大盒朱古力奶同胞弟分享，然後買零食，再由保鏢負責排隊給錢。之後二人買了碗豆腐花，再去揀麵包。見小公主好疼媽咪，吃完一口再餵母親，O氹到甘比好開心。之後，一行人去買玩具，秀樺並無揮霍地買，而是買了盒卡通造型的大富翁同胞弟一齊玩，這麼乖，怪不得由出世至今備受父親寵愛，先後獲daddy送贈4粒共逾8億元的巨鑽啦！最後兩母女再折返超市，買器材整蛋糕。臨走時，秀樺再買多支甜筒上車吃，又是同媽咪一人一口，場面溫馨！

買麵包時，秀樺不時同媽咪share食豆腐花。

兩母女行咗逾一小時，有嘢食、有玩具等滿載而歸。

秀樺好乖女，買乜都預埋胞弟仲學一份，姊弟情深。

臨走前，甘比仲帶乖女買器材，預備整聖誕蛋糕開P。