【诊所职场事・经一专栏】有日一位小姐睇完医生。

拎药后，佢望望张病假纸：「喂」

我抬头问：「有咩事？」

佢指指张病假纸：「呢度唔系咁啱㖞」

撰文：珍宝猪｜图片：电视截图、unsplash

延伸阅读：

见工遭压价 一万蚊 五天半工作 「HR开呢个offer 几有勇气」 | 网民热话

人工$70,000 份粮仅仅够用 喺香港一世买唔起楼 | 网民热话

「写miss乜就得啦」

我望望佢指住自己个名：「你个名写错咗？你俾俾你身分证我对一对呀」

佢：「错就冇错呀，唔系咁啱咋」

你知唔知自己讲紧咩呀？

我：「即系边度唔啱呀？」

佢：「我觉得唔应该写晒我成个名出嚟，写miss乜就得啦」

我：「吓？病假纸唔可以㗎，要写全名㗎～」

写全名好冇礼貌㖞

佢：「我公司得我一个姓乜㗎咋，啲垃圾细公司嚟咋嘛」

我：「系我哋出病假纸一定要写病人全名～」

佢：「点解呀？写全名好冇礼貌㖞」

我：「因为呢张系一个证明，一定要写清楚嘅」

佢望望张病假纸：「写我个名写到打风咁，清咩楚呀？」

咁系医生手字问题，我会同你反映返呢个问题㗎啦～

我：「但系都系全名嘛，都睇到你叫咩名嘅」

佢：「你同我写返miss乜啦，我唔要成个全名喺张纸度呀，个名咁样衰点见人呀」

咁如果个样衰呢？

我：「呢张你净系交俾公司相关嘅同事处理啫，唔会贴大字报咁㗎嘛，小姐你真系唔驶咁担心㖞」

佢：「你俾枝笔我！」

我望望佢旁边就正正插住堆笔喺度：「呢度咪有好多笔啰？」

佢是但拎起一枝，手起笔落向住自己个名大大力删：「你唔做我做啰！」

我：「…你返到去嘅话，公司系会唔受呢张病假纸㗎，到时你又要再嚟㗎咋～」

佢：「我系miss乜呀，喺公司地位数一数二㗎！」

小姐满怀壮志咁离开诊所。

三日后，佢返嚟：「你写过张假纸俾我呀」

啊～数一数二呀嘛？

延伸阅读：

中学老师每月投资780元 36岁赚过百万 40岁退休｜理财解码