Lily姐要保重身體！

現在TVB早上正在《真情》，劇中飾演「上等人」的梁舜燕（Lily姐）是香港第一代電視藝人，入行62年，見證香港電視史的發展，不知不覺她今年已經87歲，但她一生熱愛演戲，這幾年仍然熱衷拍劇，之前在《城寨英雄》入面的「三姨婆」角色，同樣令人留下深刻印象，更令年輕網民瘋狂，為她設計了「三姨婆」圖輯。

梁舜燕兩年前舉行入行六十年大典，汪明荃都有畀面出席。（《東周刊》圖片）

除咗做《真情》入面嘅「上等人」，之前佢喺《城寨英雄》入面演「三姨婆」，一樣令人印象深刻，有網民更為佢製作圖輯。（《東周刊》圖片）

據《東周刊》報道，Lily姐自從2012年經歷老公阮黎明過身後，就極速離開傷心地，由港島搬去九龍住。日前下午，Lily姐就在太子港鐵站附近現身，當時戴住著黑超的她，離遠已經feel到她那股「上等人」的氣派。去完銀行，她就由外籍女傭陪住行街街。現場所見，她外表仍舊精神奕奕，但行路的時候已經無以前那麼靈敏，要一直由外傭攙扶住，希望她多多保重身體！

梁舜燕出名儀態萬千，扶住外傭嘅時候，特別斯文，只係輕輕咁貼住對方。（《東周刊》圖片）

早幾年，佢都仲係箭步如飛，不過近排就行得慢咗，始終都八十七歲嘞。（《東周刊》圖片）

更多娛樂消息，請看東周網：https://eastweek.my-magazine.me/main/entertainment