不過，Sukie都大讚老公夠醒目！

石詠莉（Sukie）最近再推出翻唱碟《NOSTALGIA》，演繹多首從未被翻唱的娛樂唱片經典金曲，但亦因歌曲太經典，她跟團隊需要花更多時間選歌及製作，她又踢爆身為總監的老公鄧健泓，在選歌投票時次次都輸，不過亦不忘大讚老公優點，因她早前在浴室暈倒，幸得老公夠醒目，才能救回她一命。  

Sukie的全新翻唱碟《NOSTALGIA》，選了9首經典金曲，包括：《家變》、《狂潮》和《乘風破浪》等。

Sukie坦承之前徇眾要求希望她多唱新歌，所以她一度暫停推出翻唱歌，但今次出爾反爾，只因機會難得，「公司攞晒娛樂唱片啲歌版權，好多歌係完全冇翻唱過，有好多係經典歌，依家咁嘅時勢，有公司出碟要好好珍惜機會先得，所以決定再做翻唱歌。」

Sukie認為無論演繹翻唱歌定新歌，對她來說一樣過癮和有挑戰性。

Sukie除了推出個人翻唱碟，還跟陳松伶等歌手推出翻唱碟《娛樂經典60年》。

正因為經典歌太多，亦成為Sukie及團隊製作一大困難，「有成千幾首經典金曲，真係好難揀，所以揀歌都花咗個幾兩個月時間，我同老公、監製又各有喜好，三個人要投票先決定到，不過老公次次都輸。」不過，她跟老公及團隊已製作第五張碟，大家更有默契，技巧亦更成熟，所以這是她最鍾意的一張碟。

Sukie早前為新碟舉行簽名會，獲得不少粉絲支持。

Sukie在新碟其中一首翻唱鄭少秋的《輪流轉》，MV都用上小小懷舊味。

講到Sukie早前浸熱水浴瞓着，搞到一度全身抽筋，要老公call救護車急救，她大讚無嫁錯好老公，「好彩臨暈前大嗌一聲，佢即刻衝入嚟，仲即刻call急救，遲啲可能我救唔到。不過嗰刻其實我同老公都好驚，以為會係咁大，依家都有陰影唔敢再浸熱水浴。」講到生B大計，Sukie直言事業發展好，所以最三年後才諗，還笑言：「老公話自己再過廿年都好精壯，所以唔心急喎！」

17年，Sukie跟鄧健泓結婚後，拍住搞音樂一直恩愛。