母女感情真好~

林珊珊平日既要照顾郑伊健、草蜢、王菀之、苏丽珊等演艺事业，又要主持电视节目、客串电影等，忙到无时停。连囡囡李澄（西瓜）亦曾公开投诉妈咪档期难约，有时更惨被放飞机。

两母女互投诉其实在撒娇，sweet爆。

近日「女母档」为首饰品牌母亲节系列拍短片，西瓜成功「独霸」妈咪一日好开心。短片内容围绕珊珊与西瓜母女之日常，非常写实，例如西瓜赶上班被妈咪拉住问事情、珊珊不懂上网就大叫女儿。不用埋位的西瓜，躲在一旁用相机偷拍妈咪，笑说：「每次听到妈咪叫我个名好自然想应佢，但未到我拍唔可以出声，原来会心虚，好似好忤逆咁！」期间有工作人员问珊珊最理想的母亲节庆祝方法，她笑说：「尽量大排筵席，7、80围少不免，一齐嚟啦！」她又乘机向女儿暗示：「其实做妈咪最需要系爱心、关心......同埋现金！唔好再送𠮶啲icard畀我......」西瓜更正她：「𠮶啲叫ecard，唔系icard呀！」全场爆笑。

两母女互动sweet爆。

西瓜又爆料指妈咪最钟意收礼物，说：「每逢节日我都会同妈咪食饭庆祝，但之后会问我：点解唔送花嘅？点解无礼物嘅？以前成日送啲礼物唔啱佢心水。」于是珊珊事先张扬：「今年我想收手链和戒指。」西瓜松一口气，说：「咁就好啦，真系估佢唔到，我成日都怕送错。」

两母女互动sweet爆。

礼物未送，西瓜先唱郑伊健的《一个为你甘去蹈火海的人》冧妈咪：「『一个为你甘去蹈火海的人』即系指我哋，『必再回来会他热恋的恋人』即系佢爱人啦，佢真系好忙㗎！」珊珊笑指其歌喉「一定吓衬郑伊健」！至于今年母亲节点庆祝？珊珊说：「我唔喺香港......」西瓜说：「嗱嗱嗱，我都话妈咪好难约，即刻示范啦！」珊珊解释：「因为我妹妹嘅囡囡喺英国读书，趁佢最近放假返香港，就约埋你哋（指西瓜两姊妹）同埋我妈咪，三代同堂提早食饭庆祝。咁到母亲节正日，我就可以去玩啦！」

两母女互动sweet爆。

此外，珊珊又说：「有一日我听到佢哋爸爸同西瓜两姊妹讲：『你哋大个啦，我唔会再约你哋，由你哋约返我啦！』我觉得佢讲得好啱咪照跟，点知佢两姊妹都无约我。」西瓜反击：「妈咪，我哋有约你，系你唔得闲咋！」两母女表面上互相投诉，事实在向对方撒娇，非常sweet！