曾志偉表示阿叻話跟他「畀貼士」一樣不可信！

為電影《黃金兄弟》擔任監製兼演出的曾志偉出席首映禮時，談到執導的錢嘉樂笑指他任其拍攝，志偉謂：「唔係點啫！洗濕個頭，老闆睇過覺得ok！最重要出來效果如何？大家喜歡。拍了兩億幾，無諗過咁貴，自己都無拍過咁貴，但作為監製唔想導演有擔憂，好似縱兒子有乜就畀佢，所以同老闆吃飯時，仲問我地仲唔上契？」

東星圖片

曾志偉

對於好友陳百祥（阿叻）指未有獲邀請出席首映禮，志偉表示經已叮囑製片必定要親自致電阿叻。談到阿叻爆他於橫店擁市值30億元的酒店，志偉笑言：「好似同佢畀貼士一樣不可信，如果我有仲使做咩！我都係打工仔，只是畀有少少股份，橫店拍戲成日都去住，買一、兩間可以住。」

阿叻爆擁橫店30億元酒店。（資料圖片）