能在外地相聚，是緣分啊！

前TVB藝人陳爽（Sherry）近年專注打理海味生意，亦有參與慈善工作。早前與丈夫梁梓軒帶同四歲兒子Adrian和兩歲女兒Ashley到台灣玩了六日，還與華姐好友朱璇和呂怡萱在台北聚舊。叉完電回港，她稱因為兒子要揀小學，女兒又要考幼稚園，要忙為他們準備，又是另一個大挑戰。

網上圖片

Sherry表示農曆年前海味生意特別忙，加上她近年加入了「香港島婦女聯會」，早前既要做義工到石澳垃圾灣執垃圾，又要為該會的會員大會做接待。她指執垃圾當日好大風又凍，執了兩個小時都幾辛苦；而做接待已是第二年，她形容做執委似打雜，但可以學到好多嘢。

陳爽表示加入該會已有一年多，望為社會出點力。

陳爽早前為香港島婦女聯會會員大會做接待。

早前陳爽當義工到石澳垃圾灣執垃圾兩小時。

忙完一輪，Sherry趁上月有假期便與老公和子女到台灣玩，剛好選華姐時的好友朱璇和呂怡萱又在台北，她們便相約食台灣菜聚舊。期後，她一家再去新竹關西的六福莊玩，她說：「六福莊純粹係親子活動，酒店俾動物包圍，每日瞓醒就可以睇動物，又可以去附近嘅主題公園玩機動遊戲同睇表演。」她說今次最搞笑是女兒在酒店慶祝兩歲生日，「佢啱啱學識唱生日歌，自己唱畀自己聽，但走咗音都唔知。」

陳爽早前與老公和子女到台灣遊玩，她每日都飲至愛的珍珠奶茶。

陳爽約了朱璇去台北的兄弟飯店歎正宗台灣菜。

陳爽表示呂怡萱現於東京工作，能見面很難得。

陳爽與子女到六福莊，在酒店已看到很多動物。

回港後，Sherry覺得最頭痕是幫子女準備選校的事，她解釋：「今年阿仔要揀小學，阿女就要考幼稚園，其實阿女冇咁擔心，阿仔就要幫佢溫書，因為佢寫中文字較弱，試過教佢寫10個中文字用咗一個鐘！」她期望子女可以入到心儀的學校。

網上圖片