有心有力！

郭鋒、陳智燊出席活動，新手爸爸陳智燊表示仍不太熟悉湊仔，笑說：「餵奶、換尿片要慢慢嚟，咁都唔太擔心嘅，Keep住試。」問到兒子改名了沒有？他稱現有兩至三個名字在選擇中。他說：「我哋搵人改嘅，因為我哋中文實在太『叻』啦！我怕個名好娘、好多人都係嗰個名。我同Sarah（宋熙年）拉鋸緊，但都要快，因為就快到40日。」

陳智燊、郭鋒出席活動

新手爸爸陳智燊

記者提議今次改名先由太太宋熙年話事，下一個BB就由他話事。陳智燊笑稱：「我都有諗過呢個方案，但如果下一個係BB女，都係佢話事。」談到生3個BB就可解決此問題，他笑笑口謂早已預算生3個。提到離巢無綫後的工作動向，陳智燊稱最近工作不斷，日前為新加坡拍攝旅遊節目，更有一些網絡電視劇及電影正在接洽。

資料圖片

Jason陳智燊 (ig圖片)