江華對老婆都好專一！

將於10月假旺角麥花臣場館開個唱的麥潔文（Kitman），近日頻頻現身谷騷，早前和老公江華帶同索囡囡陳薔天一家三口亮相慈善節目《明愛暖萬心》，24歲的囡囡首次上電視夠淡定，更遺傳了媽媽的唱歌天份。

日前，江華夫婦帶埋孻女陳薔天出席慈善節目。

不過，星媽就話現時歌手難做，應該先讀好書，反而囡囡認為有機會可以試下，亦贊同父母之言先讀好書；而26歲大眼餅印仔陳耀淙（Bryan）愈大愈靚仔，有晒條件入娛樂圈，但他拒絕做藝人，寧願做護士，做低調星二代。

江華的26歲大仔Bryan，寧願做護士服務大眾。

日前晚上，Kitman和江華這對結婚26年的恩愛夫妻現身圓方開餐。見江華當日cap帽、黑褸白tee現身，急步行去一間西餐廳會合太太。兩夫妻點完菜就與店員好熟稔笑笑口吹水。睇返資料，原本江華兩夫妻曾於2016年尾在同一間餐廳發現撐枱腳，江華的衣着打扮更與當年一模一樣！

56歲江華當日好chok咁現身。

兩公婆全程好好傾。

江華和老婆Kitman對呢間西餐廳情有獨鍾，3年來不時嚟開餐。

16年尾，江華以同一打扮和愛妻在同一西餐廳dinner。