过年整乜𩠌？

经民联主席兼立法会工务小组主席卢伟国，平日爱下厨，仲有几日就过年，一家人高高兴兴食团年饭最好，所以他的「卢家私房菜」又出动，在facebook图文并茂介绍「过年整乜𩠌？」他说，在大日子开餐，肉类、家禽、海鲜、蔬果都要有；海味亦不能少，而处理海味最重要靓上汤，要买定老鸡、排骨、火腿骨熬汤。

他昨日逛大埔街市，人头涌涌，去到相熟鱼档，鹰鲳、马友、石班、红衫、马头、鲜鱿等尽入眼帘。今期马友大造，所以他已买定一条3斤几重嘅「大马友」，准备团年食潮汕式冻鱼。做法简单，买鱼后叫档主㓥好，不用打鳞，用海水冲净，带返屋企放入冰箱就得，到年30早上解冻加盐腌，再连鳞蒸熟后再放凉，到晚上开饭加「普宁豆酱」食，就是好意头嘅「年年有余」，好食易整，最能凸显马友嘅鲜味。

意头𩠌亦有「嘻哈大笑」，他已叫鱼档在年30预留本地大海虾，即晚整「干烧明虾」，老少咸宜。他说，近来市面较平静，但愿香港团年、开年，都祥和安宁，大家都开心。