過年整乜餸？

經民聯主席兼立法會工務小組主席盧偉國，平日愛下廚，仲有幾日就過年，一家人高高興興食團年飯最好，所以他的「盧傢俬房菜」又出動，在facebook圖文並茂介紹「過年整乜餸？」他說，在大日子開餐，肉類、家禽、海鮮、蔬果都要有；海味亦不能少，而處理海味最重要靚上湯，要買定老雞、排骨、火腿骨熬湯。

他昨日逛大埔街市，人頭湧湧，去到相熟魚檔，鷹鯧、馬友、石班、紅衫、馬頭、鮮魷等盡入眼簾。今期馬友大造，所以他已買定一條3斤幾重嘅「大馬友」，準備團年食潮汕式凍魚。做法簡單，買魚後叫檔主劏好，不用打鱗，用海水沖淨，帶返屋企放入冰箱就得，到年30早上解凍加鹽醃，再連鱗蒸熟後再放涼，到晚上開飯加「普寧豆醬」食，就是好意頭嘅「年年有餘」，好食易整，最能凸顯馬友嘅鮮味。

意頭餸亦有「嘻哈大笑」，他已叫魚檔在年30預留本地大海蝦，即晚整「乾燒明蝦」，老少咸宜。他說，近來市面較平靜，但願香港團年、開年，都祥和安寧，大家都開心。