藝人學做生意求突破 姚浩政改名「姚亦澧」求改運
姚亦澧表示希望改名能帶給自己更好的發展。
一眾藝人日前出席位於旺角始創中心內Soda Mall健康生活店開幕活動,並向在場嘉賓解説有關自己在「明星市集」擺設的産品。於上年開始進軍潮流背包零售的姚浩政,在活動中突然宣布自己改名「姚亦澧」!
被問到為何今年作出這重大決定,姚亦澧解釋:「由上年下半年開始,無論在演藝或商場上我都希望可以尋求不同嘅發展,所以我亦引進咗這個來自英國嘅背包品牌。而我希望呢個改變,能夠帶比我更好嘅發展!大家以後見到我,記得大聲叫我姚亦澧、姚亦澧、姚亦澧!」
在場其他藝人,包括何紫綸(Ann)、可嵐、陳倩揚及梁嘉琪,也齊齊在商場擺放自家産品出售。Ann首推自己很喜歡的爽身粉味香水,更向好姐妹陸詩韻請教營商之道。陸詩韻則稱讚Ann:「其實你已經做得好好,因為我手袋入面隨身已經有你支香水。你知道我唔係隨便擺嘢入我手袋啦!」
倩揚和嘉琪則對隨身用品和飾物情有獨鍾,倩揚稱:「其實呢個品牌係我同一位日本朋友合作的。而設計上面,貓咪頭上有個「港姐」后冠圖案和奶咀,係代表一般和小童用品系列。所以,大人和小朋友都適用。」而嘉琪今次小飾物生意則已經考慮了多年,但最後覺得這個市集是一個很合適的機會:「我個品牌喻意我嘅一片天,而我覺得漂亮嘅小飾品可以帶給我平靜和舒服嘅感覺。但我發現原來一手一腳去搞一個品牌,其實係好多工作要做的。」
「多功能歌手」可嵐今次則帶給大家眼影和個人護理産品:「我這個是生活品牌,所以我會搜集一啲好嘅産品推介比大家!」
更多娛樂消息,請看東周網:https://eastweek.my-magazine.me/main/entertainment