期待Elaine有好消息公布～

江若琳（Elaine）最近在ViuTV新劇《詭探前傳》首次跟秋官鄭少秋合作，劇中她飾演跟秋官關係惡劣的長女兼兩歲囡囡的單親媽咪「彭倩」，她坦言知道跟秋官合作時勁開心，亦令她體會到湊「小朋友」的困難，但未有嚇怕她跟老公的生B計劃。

Elaine拍該劇其中一個難忘事，就是飾演歌女的她要現場唱歌，「導演要求現場收音，拍前老公仲教我點唱會似啲嗰個年代嘅歌手。」

對於首度跟秋官合作，Elaine話聽見已開心，「知道有呢個機會時，真係好開心，因為秋官依家都少拍港劇，仲要演兩父女，對手戲都唔少。」不過，Elaine覺得最可惜是劇中兩人關係不好，「見親面就鬧交，所以角色好大挑戰。」

Elaine興奮有機會跟秋官合作，可惜以鬧交戲為主。

Elaine又讚秋官私底下好似爸爸照顧大家，「佢成個劇組都好照顧，『萬歲』當然唔少得，但埋位就非常專業，其實拍鬧佢啲戲，我最初都有啲驚，但一埋位秋官就好快令到我入戲。」

江若琳

Elaine話反而最困難是跟飾演其囡囡的小演員合作，「劇中我係個單親媽咪，有個囡囡，但個小演員太細個得兩歲，完全唔知發生緊咩事，有時佢瞓緊覺都要叫醒佢起身拍，所以佢好易喊，搞到全場人要一齊唱兒歌嚟氹佢。」雖然氹B難，但無令Elaine怕了不敢生B，「前嗰排做咗個婦科小手術，依家調理緊，我同老公有晒心理準備隨時生得，自己有咗家庭亦唔會接長時間離開香港嘅工作，會留多啲時間喺香港照顧屋企。」

劇中Elaine演的「彭倩」，有個兩歲囡囡，仲會同游學修發展姊弟戀。

劇中演Elaine囡囡的小演員好易喊，連秋官都要出動o氹她。

為了生Ｂ，近期Elaine密密睇中醫調理身體。

網上圖片