葉巧琳認為世上不乏「賤男」，因而新歌內的情況有機會發生。

葉巧琳（Mischa）最近推出新歌《殘渣》，講述曾不被男友重視的女生還要被當成是「殘渣」，結婚時會被叫去贈興。原來她試過出席前度與好友的婚宴，不過幸好大家並非不歡而散，但她也很明白變成「殘渣」的感受。她跟現任男友已拍拖9年，兩人早已像老夫老妻，她感激男友一直支持她在圈中追尋夢想。

Mischa認為現實中有機會出現新歌內的慘情狀況，因為世界上確實有不少「賤男」在身邊，「我相信總有戀愛關係係好似個女主角咁樣，男友對佢好差，甚至仲要同自己嘅好朋友結婚，都仲要叫埋你去飲，完全當你係『殘渣』咁看待。」

Mischa之所以肯定現實會發生，只因她都有類似經歷，「我都試過去前男朋友嘅婚宴，仲要係同我好朋友結婚，不過我哋係和平分手，佢係分手之後先同我朋友一齊，所以嗰日去婚宴唔會尷尬嘅，不過我演繹《殘渣》時，都有攞番小小呢個感覺去投入，去為前度贈興確係會有『殘渣』嘅感受。」

不過現實上Mischa很難有機會成為「殘渣」，因為她跟現任男友已拍拖9年，仍然十分甜蜜，並已開始同居生活，「我哋一齊咁耐都冇乜嗌過交，可能我哋性格好唔同，反而可以互補不足，佢仲好支持我喺圈中發展。（幾時結婚？）仲未有計劃，不過我哋依家都好似老夫老妻咁，等大家事業再穩定啲先算啦！」