2019回顾／男人嘅浪漫，十大热门PS4游戏

你唔好咁啦，我想打机啊！

对好多男士嚟讲，浪漫依家嘢除咗豆腐火腩饭之外，就系咩都唔使烦咁沉浸喺游戏世界入面，暂时抛低一切嚟自生活同工作嘅烦恼，一个静静地喺屋企打吓机。2019年香港同香港人都过得好艰难，现实世界唔如意嘅事，唔少人都尝试用游戏嚟缓解，抖一抖，等自己状态好啲，先再振作奋斗落去！不如今日就等DailyView为大家讲吓今年新出嘅PS4十大热门游戏，畀大家参加吓有咩可以玩一玩，休一休息啦。

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

10 《星球大战绝地：组织殒落》

《星球大战》可以话系红遍住世界，各国都有好多忠实Fans深爱依个充满原力嘅世界。依只《星球大战绝地：组织殒落》就畀咗个机会畀一众新旧星战迷，齐齐扮演一个绝地学徒，喺俾帝国追杀嘅情况下，用光剑同原力慢慢咁成为绝地武士。好多玩家都话只Game嘅星球设计睇得出好畀心机，玩法有解谜，而打斗就少少似魂类Game，系一只唔错嘅游戏。

image source:

9 《人中之龙 5 梦实践者》

《人中之龙》系列游戏拳拳到肉嘅打撃感加上多样化嘅支线小游戏（有唔少男士都好钟意嘅夜总会），吸引唔少玩家追捧，今次《人中之龙 5》一出梗系即刻备受关注啦！今集玩家可以用桐生一马、冴岛大河、秋山骏、泽村遥、同品田辰雄，喺札幌、东京、名古屋、大阪同福冈到过关软将，疯狂打出「王龙之极」同「究极之极」，一齐为梦想努力！

image source:

8 《伊苏IX -怪人之夜- 》

日本老牌嘅动作角色扮演游戏《伊苏》真系好红，红到出埋小说、漫画同动画，今年佢哋终于推出到第9集喇！一个又一个同伴、快节奏嘅战斗、热血音乐，成只Game畀人个感觉都非常日本！今次有全新嘅「异能动作」系统，唔同嘅「怪人」伙伴都可以有唔同嘅「异能」，飞簷走壁不再是梦啊！加上今次开放度过嘅地图，玩家真系可以用「异能」周围去啊！

image source:

7 《莎木 3》

唔少香港80后玩过《莎木》、《莎木2》系列，一直默默咁等待续作出现，直到18年后嘅2019，终于等到《莎木 3》面世。依只Game经过被冷藏、募资、制作、延期又延期，一众旧玩家终于再一次望到「芭月凉」同「莎花」！有好多人都话，一开Game听到个音乐，就忍唔住泪眼汪汪。夸张？梗系唔系啦！依只唔止系Game，而系童年嘅岁月同埋集体回忆啊！

image source:

6 《血咒之城：暗夜仪式》

知名游戏制作人「IGA」募资制作而成嘅游戏号称系恶魔城嘅精神续集，一推出就引起好多人课金支持，金额仲超出原本预算好多。的确不枉Fans咁热衷筹募资金，呢只Game虽然拖咗四年，但出到嚟依然系非常有诚意嘅作品。2.5D嘅横移模式，用女主角去过关斩将，个Feel真系好满足到恶魔城Fans嘅回忆，虽然有唔少Bug，但一反映就即刻修正，所以好多Fans都好埋单，好评如潮！

image source:

5 《新樱花大战》

当《新樱花大战》嘅主题曲一响起，相信好多人嘅童年回忆都即刻返返嚟。呢只Game分咗冒险同埋战斗两部分，冒险部分男主角可以周围走，跟返故事主线情节，同时探索帝都地图。而最受Fans（宅男）喜爱嘅就系沟女模式，玩家可以化身花心大萝卜，周围去沟女增加好感度。战斗模式都好爽，可以同队员做「合体攻击」，真系怪唔得宅男咁钟意。

image source:

4 《往日不再》

《往日不再》呢只Game其实俾好多国内外嘅游戏媒体评得唔系太高分，但系销量同埋玩家好评度又算系几好，真系专业评级同埋玩家需求其实都有一定落差。游戏以末日作为背景，以男主角嘅角度进行主线情节，过吓末日生活、累积资源，应付一大班丧尸同埋醉酒佬，继而清除佢哋嘅过程，真系畀人一种末日嘅感觉！

image source:

3 《恶魔猎人 5》

恶魔猎人，亦即系大家所讲嘅「DMC」，成个系列讲求嘅都系靓、型。第五代都系老样子，行嘅系好玩家取向嘅设计，过场有好好听嘅音乐，同埋好恶搞嘅情节。玩家用但丁、尼禄同埋V嚟到去进行恶魔狩猎嘅工作。玩家用各种招式同武器对抗恶魔，然后由系统畀分，所以玩家做到几多Combo就好紧要，点样连技连得又爽又型又高分，就系呢只Game嘅精髓所在。

image source:

2 《王国之心 3》

王国之心系列系一款好Hit嘅动作角色扮演游戏，游戏世界入面包含左唔同既迪士尼同Final Fantasy 嘅角色同埋剧情。唔少玩家话今次《王国之心 3》嘅战斗系统爽咗，再结合埋多个迪士尼故事剧情，游戏加埋咁多个可爱嘅迪士尼人物，喺唔同世界入面仲会有华丽嘅动画播出，真系又睇得又玩得啊。相信唔少玩家觉得2012年等到依家系值得㗎啦！

image source:

1 《死亡搁浅》

《死亡搁浅》系由日本知名设计师小岛秀夫制作，佢由《潜龙谍影》系列以嚟就收获咗好多Fans，喺香港备受关注。好多玩家玩完呢只Game之后，都觉得打机好似睇电影咁，代入感好足。另外有玩家话玩到尾都未知道只Game讲紧咩，直到睇完两个钟电影之后，先知道游戏同电影之间嘅关联性，纷纷赞叹依只Game嘅巧思同世界观真系好强。