Jason還好開心囡囡全程都沒有扭計！

陳柏宇（Jason）早前為拍新歌MV遠赴新西蘭取景，還帶埋太太符曉薇（Leanne）和女兒Abigail同行，雖然往來拍攝地點舟車勞動，但囡囡都完全沒有扭計，事關Jason好識做，一有空檔即帶愛女去踏青、看動物，樂在其中的他都話出Trip有「囡」陪好開心！

陳柏宇夫婦去年9月為囡囡Abigail（中）舉行1歲生日Party。

Jason去年底推出新專輯《Anyone But Jason》，唱片公司更大手筆讓Jason與團隊遠赴新西蘭10天，為新歌《本能寺》、《最後一個收費亭》拍MV，其中大隊還去到激流島的亂石崗、Owhanake Coastal及Orapui Road等地取景，能夠一睹大自然美景，首次去新西蘭的Jason固然興奮，但都不及太太符曉薇和女兒Abigail能夠同行咁開心！

陳柏宇一家三口出Trip，工作之餘仲有機會去睇小動物。

由於今次拍攝地點路途遙遠，拍攝團隊每日都要一早出發，其間搭車又搭船，來回都要四個小時，幸有一大班哥哥姐姐陪玩，Abigail也沒有扭計，Jason笑謂：「雖然今次長途跋涉，但因為長期都好熱鬧，囡囡每日返到屋企即刻瞓，所以一啲來都冇扭計，正！」他又自爆除了頭三日行程較緊密外，其餘時間都好Relax，一家三口還有機會去踏青、看小動物，「好少出Trip拍嘢係咁『他條』，我哋成日都有得瞓晏覺，同埋好多時間去玩，我哋仲去咗睇羊同馬，個女都玩得好開心！」

陳柏宇（左）表示人在外地工作，都可以時時刻刻見到妻女好開心。

今次行程大部份時間都好輕鬆，父女倆仲可以一齊瞓晏覺，所以Abigail都冇扭計！

雖然Abigail都有同行，但未有為陳柏宇的MV客串。

難得景色優美，Jason亦充當攝影師為妻女影相，惜他經常捕捉別人的「NG Look」，今次還連手指都「亂入」，Leanne都忍不住寸爆：「陳生攝影技術又高咗。」見當中有些相很有專業水準，問他是否親自操刀？Jason即避談笑道：「有時老婆影，有時我影囉，其實家電話科技好好，就算本身影得唔係好靚，只要有部電話就幫到手，有電話就無敵㗎喇！」

陳柏宇親自操刀幫兩母女影相，點知手指都入埋鏡，即被Leanne寸攝影技術「高超」！