【经一专栏・诊所职场事】有日一位先生嚟到诊所。

佢冲埋嚟登记处，『嘭』一声趴喺枱面，抬头同我讲：「姑娘，我赶时间呀」

好呀，排队呀。

我：「而家登记嘅排第十一个」

撰文：珍宝猪｜图片：电视截图、unsplash

延伸阅读：

面试必胜攻心计 见工心理学 弗洛伊德醒你一招心中有数｜职场制胜

谭仔云南米线店长级员工福利 半年一次聚餐 晏昼打麻雀 夜晚大抽奖 | 谭仔三哥米线 | 品牌人物 | 职场制胜

又唔系我想打尖嘅

佢：「我赶住返工呀」

我：「唔好意思呀先生，我哋登记完都系要排要等㗎」

佢：「下个俾我即刻入去得唔得呀？」

候诊大堂众人嘅视线即刻热炽地望住我…

我：「梗系唔得啦，个个都系咁登记咁排队，你赶返工嘅就应该早啲嚟登记嘛，而唔系要我俾你打尖～」

佢：「咩打尖啫，讲到咁难听，又唔系我想打尖嘅」

咁唔通系我想俾你打尖呀？

「我真系赶时间㗎」

我：「如果你等嘅我就同你登记啦，第十一个，你预返两个钟左右啦」

佢：「你俾我下个即刻入去睇啦，我真系赶时间㗎，我唔赶时间我都唔出声啦系咪先？」

我：「一系你自己问吓排你前面嘅人肯唔肯俾你睇先啦，你要问晒前面𠮶十位～」

佢拧转脸望望坐喺度嘅人，再拧返过嚟同我讲：「喂，唔好啦，个个甩皮甩骨就死咁嘅样，我点问得落呀，我唔做衰人㗎」

所以你觉得自己唔出声就一定系好人？

我：「咁你要唔要登记？」

佢：「你俾我下个入啦」

我：「真系唔可以㗎～」

佢：「你唔俾我下个入，我队你㗎」

好呀，嚟呀。队呀，队啦嘛，等你呀！

我唔出声。

成功上咗一个位

佢：「我真系队你㗎」

呢个时候，一位婆婆行埋嚟同我讲：「姑娘呀，我俾佢队啦」

阿婆，你很想要吧。你咁舍己为人自我牺牲，我点好意思呀？

婆婆同先生讲：「后生仔，我俾你队啦，我排第十㗎」

先生问我：「头先系话我排第几话？」

我：「十一，你成功上咗一个位」加油呀！

婆婆：「我俾你队啦，你唔好嘈住姑娘啦」

先生：「阿婆你收皮啦，我唔睇啦！」

先生即刻离开诊所。

婆婆问我：「佢讲咩皮呀？」

我：「啊～佢话你好好人皮光肉滑呀～」

婆婆摸摸自己块脸，笑住行返去坐。

延伸阅读：

只够钱买细单位 8招教你拣实用靓盘 | 楼市点睇 | 新盘 | 香港楼市2019