今次想介绍既Cafe系有成4间分店，而每间分店食既野都唔太一样，但都系专饮咖啡既。呢间分店食物都好出名嫁，有好多招牌菜，而唔少食物均加入左一啲咖啡元素系入面，例如酱汁。呢度既装修系开放式设计，主题偏向工业风格，摆放左一大部咖啡机同有两大个木桶作装饰。最值得一提既系呢间店主系拥有专业咖啡认可资格，将唔同产地同品种嘅咖啡豆进行评级，所以呢度既咖啡豆都系佢拣选最好既豆同埋自己炒制嫁，身为咖啡迷既你绝对值得一试！

▲鸡柳汉堡配自家制咖啡烧烤酱($108):呢款汉堡系加入左咖啡元素，烧烤酱系加入左咖啡粉黎煮，酱汁浓得黎又有啲咖啡香味。鸡排份量都好多，仲有大量薯角伴菜。

▲蟹肉味噌扁面($123):呢个意粉系由忌廉加上芝士整成，食落去口感会觉得好creamy，有好多碎蟹肉，食落去好香蟹味。

▲All Day Breakfast($128): 全日早餐配料好丰富，分别有炒蛋、焗薯仔、烟三文鱼、肠仔、牛角包、咖啡白朱古力西多士、仲有牛油果酱。如果想试下咖啡白朱古力西多士可以考虑叫呢个！

▲咖啡白朱古力西多士($58):入面夹住既朱古力份量岩岩好，唔会太流，配合埋咖啡味食落仲唔会咁甜添，而碟旁边都有果酱伴碟，可点果酱来吃。

▲冷泡咖啡($):用个冰樽装住咖啡，而放系杯入面粒冰系球体，呢度既咖啡饮落去唔系好苦，毕竟呢度系一间咖啡店。

Espresso Alchemy

地址: 尖沙咀弥敦道132号美丽华商场B1层B116号舖

营业时间: 10:30 21:30

电话: 26741838

文字来源：香港人.游香港／图片来源：@foodlifewithks、@my.cloudyblue、@misskatrinaky

这篇文章 尖沙咀cafe：【工业风咖啡店！食物都加入咖啡元素！】- Espresso Alchemy 最早出现于 香港人游香港。