三人都表示在「師傅」身上賺凸！

游學修、麥子樂和陳安立最近在ViuTV新劇《詭探前傳》，首度跟「秋官」鄭少秋合作，劇中三人飾演由哲學家變為茅山師傅的秋官、各有不同出身及背景的徒弟，跟住師傅周圍捉鬼查案，自然跟秋官有勁多對手機會，得悉同秋官合作已飯應的他們，還興奮透露在「師傅」身上賺凸。

子樂、阿修和陳安立演師兄弟，一樣合作愉快。

三人坦承知有機會跟大前輩秋官合作，未開拍先興奮，「梗係飯應啦！仲要係做師徒，一定會好多對手戲嘛！」阿修更話作為新一輩演員，一定要同多些不同前輩對戲先至會有進步，「經驗累積對一個演員嚟講好緊要。」

跟秋官合作，對於阿修和子樂來說是寶貴一課。

三人大讚秋官樣樣掂，耍起劍來真係瀟灑到冇朋友

見到秋官真身，絕對無令三人失望，不但零架子，還相當親切，好似爸爸一樣照顧台前幕後，子樂說：「佢真係照顧晒全部工作人員，除咗萬歲請食嘢，仲會同我哋傾偈講笑，連打機嘅嘢都會傾，真係好玩得。」

今輯會交代三師兄弟入門經過，當中三人有不少衝突。

最初對住前輩好緊張的陳安立，最難忘就是「師傅」那份細心，「佢帶咗個風扇嚟開工，我哋讚過話好靚，佢第二日就買咗三個畀我哋，真係好感動。」

阿修演的三師弟古惑仔「司馬至全」（邵仲衡飾）、子樂的大師兄警察「張漢忠」（尹揚明飾）及陳安立演的紙紥舖少東「八爺」（車保羅飾），在《詭探》時已出現。

阿修話他們都有禮尚往來，但就不肯透露送何回禮。他們大讚秋官這種級數的演員，不親自提點，單是觀察他的工作態度，已經賺凸，「佢會背埋對手對白，埋位就高度集中，佢為投入角色，閒時會打坐，觀察佢開工就自然偷到師㗎！」三人更希望該劇能長演長有，跟秋官繼續合作，因在有經驗演員身上一定學到不同的東西，好似今次同劇的陶大宇。

阿修會跟飾演秋官長女的江若琳有段由暗戀開始的姊弟戀。

《詭探》