回顾2019／香港人最关注二十大电影，总有一部你有睇过！
2019，电影回忆
2019已经完结，好多人都选择喺呢几日，回顾返自己嘅呢一年做过咩嘢，食过咩嘢，睇过咩电影。香港社会，有咩共同话题普遍得过吃喝玩乐？其中，电影作为大众娱乐嘅重要元素，深有深睇，浅有浅睇，睇完可以写返篇千字文感想又得，随便喺FB、IG打几只字都得。而且电影更加系香港人增进感情嘅工具。好耐无见？一齐睇戏喇！啱啱先识？一齐睇戏喇！今日就等DailyView同你细数，香港人2019年最关注嘅二十部电影。呢种回顾，会唔会勾起大家嘅回忆呢？
DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。
image source:
image source:
NO.19 星球大战：天行者掘起
——Star Wars moive
世界级经典科幻系列电影，「星球大战」，2019推出第9部曲的最终章，《星球大战：天行者掘起》，为呢个咁多人嘅集体回忆，暂时写下咗一个句点。星球大战有咩咁吸引？单系佢嘅背景设定，绝地武士、原力、激光剑、机械人，宇宙飞船等，都系划时代嘅想像。香港都有为数不少嘅星战Fans，集集追，集集睇，《星球大战：天行者掘起》排名19，自然合情合理，唔入先奇。
image source:
NO.18 白宫沦陷3﹕天使沦陷
——白宫又出事
美国咁强大，但偏偏有套电影，叫个「白宫沦陷」，呢个系列连拍三集，每次都系白宫出事，总统有难，要勇敢嘅主角拯救一切。美国荷里活式动作巨片，剧情紧凑又有张力，当然相当好睇。男女老幼，都可以食住花生享受呢种电影。有时候睇戏无必要咁花心力，可以轻松睇完，都系一件赏心乐事。2019，白宫又沦陷，边个有能力救出美国总统？边个忠，边个奸？一齐睇睇呢部爆谷电影。
image source:
NO.16 小丑回魂2
——怪诞惊心
《小丑回魂2》，相对前作《小丑回魂》，集中描绘咁多位角色，由细路仔变成大人之后嘅人生，而命中注定，第1集嘅小丑亦都喺十多年之后再现小镇，迫使佢哋一齐重返呢个成长之地，面对自己过去最深最怕嘅心魔。《小丑回魂2》，唔再只系一般嘅恐怖电影，而系讲紧大人成长之后嘅无力、无奈，而佢哋解决小丑嘅方法，更加有成长意味。怪诞惊心，小丑回魂，吓到个心都离一离。
image source:
NO.15 杀神John Wick 3
——奇洛李维斯
十步杀一人，千里不留行。李白嘅诗，正正喺《杀神》电影系列入面，John Wick嘅写照。《杀神》电影系列嘅魅力传遍全球，当中嘅暴力美学，更将杀手电影拉上咗一个新嘅高峰。由奇洛李维斯饰演嘅主角John Wick，用一支笔，都可以杀人，真系去到飞花落叶，皆可伤人嘅境地。John Wick喺第3集之中，唔再系无敌，反而落难逃亡，更见人物变化。2020，唔知会唔会出第4集呢？
image source:
NO.13 哥斯拉Ⅱ：王者巨兽
——怪兽救地球
日木电影史上最经典嘅怪兽代表，哥斯拉，可以话系日本怪兽创作之中嘅始祖。香港呢个咁受日本影响嘅地方，对哥斯拉当然都唔会陌生。哥斯拉以前只系一只破坏世界嘅怪兽，但随往时代嘅改变，佢变得愈嚟愈有内涵，甚至喺2019年最新哥斯拉电影《哥斯拉Ⅱ：王者巨兽》，人类仲要靠佢嚟打救地球！人类点同哥斯拉合作，一齐打败其他怪兽？有兴趣嘅，就唔可以唔睇呢部电影喇！
image source:
NO.11 POKÉMON 神探Pikachu
——比卡比卡超！
香港八、九十后嘅童年回忆，都系来自日本动漫，男女通杀，有可爱到好似车厘龟，有型到好似喷火龙咁，无错，就系我哋成日睇嘅竉物小精灵！有边个细细个无喺电视上睇过竉物小精灵？有边个唔钟意小智嘅朋友，比卡超？十万伏特，电光火石，听到都识背喇！电影《POKÉMON 神探Pikachu》风行全球，正正反映咗呢种集体回忆嘅魅力。比卡超，由始至终，都活喺我哋嘅心中。
image source:
NO.10 狂野时速：双雄联盟
——男人嘅浪漫
有一个系列嘅电影，永远都系唔同世代之中，男人嘅浪漫。速度、激情、跑车、比赛、美女⋯⋯呢个系列，正正系《狂野时速》，一连9集，成为电影史上长篇传奇，成为咗无数男人浪漫嘅幻想。呢个系列喺2019年又出咗外传电影《狂野时速：双雄联盟》，型男连场打斗、射击，开车奔驰于暴力与罪恶之间，再次延续《狂野时速》电影传奇！香港地，唔系人人有靓车，唯有睇戏喇！
image source:
NO.8 铳梦：战斗天使
——经典漫画改编
香港人，有两样嘢系好钟意嘅，日本嘅漫画，同美国嘅电影。如果将两样嘢合二为一，就系2019年大受欢迎嘅科幻动作片，《铳梦：战斗天使》喇！《铳梦：战斗天使》原著系日本漫画家木城幸人创作嘅漫画《铳梦》，根据《铳梦》嘅OVA改编，由劳勃·罗里葛兹执导，化身为美国电影。日本漫画嘅背景，美国电影嘅特技，精彩嘅打斗故事，难怪会名列第8名，咁多香港人留意嘅。
image source:
NO.5 蜘蛛侠：决战千里
——最正嘅Peter Parker
香港人最爱睇英雄片，第1名已经系《复仇者联盟4：终局之战》，而第5名呢，就系呢部时间线之后，漫威重头戏《蜘蛛侠：决战千里》。明眼人一睇，就知继Iron man之后，Spider man即将取而代之，成为推动主线剧情嘅关键人物。好多人都话，呢部电影嘅Peter Parker，先至系最原汁原味嘅。蜘蛛侠点样面对心魔，打败强敌？如果你仲未睇，又钟意英雄片，记得要睇喇！
image source:
NO.3 阿拉丁
——满足你嘅愿望
香港人，细细个就已经俾迪士尼嘅童话故事吸引，好似今年排名第7嘅《狮子王》，就充分表达咗呢种集体回忆嘅魅力。2019，电影《阿拉丁》非常火红，排名全港最受关注第3位。阿拉丁摸摸神灯，灯神畀佢三个愿望；阿拉丁坐住飞毡，穿梭天上地下；阿拉丁经历苦难，终于有美人相伴。真人版《阿拉丁》，歌舞出色，演出精彩，香港人入场，开心又有童真，满足快乐嘅愿望。
image source:
【以上图文为香港网路温度计调查结果，未经授权请勿转载、改写】
分析说明：
本研究资料由《KEYPO大数据关键引擎》提供，分析时间范围为2019年01月01日至2019年12月22日。
网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论『香港二十大最受关注电影』相关文本进行分析，并根据网友就该议题之讨论，作为本分析依据。
本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。
推荐文章︰
控制欲最强星座TOP4！第1名超恐怖…连专家也劝：别招惹他
载两宝180度翻车爸妈吓坏！ 母PO文「后向乘坐」救了孩子
