有否想過，75歲的你，還想做甚麼？

75歲的馮素波在於過去的12月30日在大會堂舉行演唱會，用兩小時獻唱懷舊金曲。曾一度電視撈飯的你我，會認為這個演甚麼也入木三分的「金牌長門人」，跟演唱會風馬牛不相及。求教Google大神，不難發現她於YouTube上的歌唱短片，而且高音甜、中音準、低音勁；更驚喜的是，舞台上、聚光燈下，馮素波終於是主角。

馮素波於12月30日，跟胞妹馮素雲及妹夫余子明等，於大會堂舉行《素仰大明演唱會》；三人早於一四年合作過一次。（《東周刊》圖片）

馮素波表示：「六十年代我開始登台，係為咗搵食，點知一唱，眨吓眼就唱咗十五年，直到香港嘅夜總會文化轉變，我先至冇唱。不過，上天安排得好好，呢家又興番懷舊金曲，初初啲人都唔知我識唱歌o架，只係想搵個有啲知名度嘅藝員去唱，咁又俾我有得唱番喎。」

穿起華麗戰衣，站在「舞台」上的馮素波，初時擺的pose，跟她唱的金曲一樣懷舊。攝影師於是着她即席表演，沒開聲準備下，她手到拿來地唱出：「是誰在敲打我窗⋯⋯」喚醒她那一段被人遺忘的時光。

《東周刊》圖片

據《東周刊》報道，電視劇中的馮素波，是好媽媽、壞媽媽、正派智者⋯⋯現實中的她，聲如洪鐘但語調溫婉，不時還會自製Gag位，而你未必知道的，是她的英文名字：Alice，「細個嗰陣，由廣州嚟香港，要讀英文補習學校，咁就要有英文名，我當時嘅英文名係『Fung So Ball』，好風騷咩我？於是老師就俾咗三個名我揀：Emily、Amy同Alice，我媽媽就揀咗Alice，因為Alice in Wonderland吖嘛！」

馮素波的父親為已故大導演馮峰，她跟同父異母的妹妹馮寶寶，同為叱咤一時的「七公主」成員，但畢竟人生不是夢遊仙境，Alice還是要面對現實。「六十年代粵語片開始式微，但仍然有人請『七公主』做剪綵嘉賓，我第一次真正上台唱歌，就係有一次獲邀出席開幕典禮。

因父親關係，馮素波（左二）也曾當童星，並與李小龍（右一）在《細路祥》中合作。（《東周刊》圖片）

「講起嚟都有啲傷感，個老闆嗰時同我講：『趁依家未有人客，你唱隻歌俾我聽吓。』，未有人客先叫我上台唱咋！嗰陣我學咗十零首時代曲，都未試過真係上台同隊Band夾，而當日嗰隊Band全部都係菲律賓人，我就哼咗《相思河畔》嘅melody俾佢哋聽，就完成咗我第一次嘅表演。」

跟兒子David的感情要好，訪問中馮素波每談及兒子，也是一臉欣慰。（《東周刊》圖片）

一曲《相思河畔》，令馮素波轉型成歌手，開始其夜總會登台生涯，還要到外地演出，「六七年我去泰國登台，本來都冇諗過留好耐，點知嗰年香港有社會活動，我媽媽就叫我唔好返香港，我就足足喺泰國唱咗十一個月，之後先返番香港唱。」

更多娛樂消息，請看東周網：https://eastweek.my-magazine.me/main/entertainment