不過，都要小心身體！

今年77歲的「喜劇泰斗」許冠文（Michael），三年前主演過新戲《一路順風》後，近少都是客串性質拍電影，產量好少。雖然沒有事做，但Michael都不會留在家中，反而會周圍去感受生活，攞靈感。

3年前主演過新戲《一路順風》後，近少都係客串性質拍電影。

Michael對上一次一腳踢，自編自導的作品已經是1992年的《神算》，並找來了黃子華一起編劇，可惜27年寫不出好劇本，所以寧願合適才做，湊孫為樂，慢活享受人生。

近年許冠文主力都係湊孫為樂。

2006年獲香港嶺南大學頒授「榮譽院士」和榮譽講師。

日前，Michael一身黑色簡樸街坊裝，揹住個側揹袋，拿着個紅色膠袋出現銅鑼灣白沙道搭專線小巴回家，保養得宜的Michael動作靈活，上落小巴輕鬆自在，絕對難不到這位老人家。

Michael係銅鑼灣常客，經常街坊裝現身搭小巴。

上車後Michael好有條地袋好買完東西找續的錢，隨即從袋內拿出一包紙巾不停「包雲吞」，擤到連眼水都流，看上去不太舒服，難怪當日天氣和暖，他都穿著厚羽絨，拉鍊還拉到上頸，幸而Michael開工不多，生活正常又健康。

上車後，Michael係咁「包雲吞」，好辛苦咁喎！

上車後，Michael係咁「包雲吞」，好辛苦咁喎！

Michael向來鍾意喜劇及棟篤笑，之前他接受訪問時提及過，因為大家常常都過得不快樂，所以需要再向觀眾演繹生活中得悲傷，等大家得到共嗚，用美好的角度看這個世界！不過，創作到一個貼地又鬼馬的劇本不容易，他堅持不可以因為年老，就拍一些自己都接受不到的作品，萬一觀眾以為他等錢使點算好？但如果有好劇本，又會重燃心中團火。

Michael向來鍾意喜劇及棟篤笑。

之前Michael為胞弟許冠傑演唱會做Part拿手嘅棟篤笑。