嘉玲覺得自己當年并無好好出演《義不容情》內的角色。

公益金50周年晚宴晚上於灣仔會展舉行，特首林鄭月娥、名譽副會長黎明、公益金執行委員會主席王冬勝、太子珠寶鐘表集團主席及行政總裁鄧鉅明、李家誠跟太太徐子淇、何超瓊、張正甫、余錦基、劉嘉玲、汪詩詩及湯君慈等名人紅星盛裝到場支持。

嘉玲透露拍電影時才真正開竅。

身穿黑色喱士長裙亮相的劉嘉玲，談到無綫深夜時份，播映主演劇集《義不容情》又再一次引起追劇潮，問她可有一同追看，嘉玲說：「自己依家都好少睇電視。（觀眾大讚妳好戲。）經典即係經典，都成日重播嘅。以前TVB劇，真係唔錯。」

劉嘉玲身穿黑色喱士長裙亮相。

談到她沒有時間，還是不想翻看自己演的戲。她說：「睇過晒嘛！啲對白我都仲記得。（呢個角色好深刻？）覺得自己當年無好好演呢一個角色。（都讚你演得好喎！）可能我天生啦，但我相信更認真去演，可能再好點，不過當時實在太忙。呢套劇，每一個角色都寫得好好。（妳最鍾意角色之一？）TVB無一套劇有我最鍾意嘅角色，因為當時TVB拍劇太細個，到我真正開竅，係我拍電影嘅時候。」

黎明以公益金名譽副會長出席晚宴。

劉嘉玲透露已完成一連串工作，終於有時間放假去旅行休息。問到是否計畫跟丈夫梁朝偉去滑雪？她笑笑說：「係啊！（偉仔睇B哥哥紅館騷好開心。）係啊，我哋成班『217』嘅朋友，依家到呢個階段都已經好開心。」提到偉仔拒絕開金口唱歌，她說：「係啊！我係想引佢唱，一唱歌就會緊張。如果要佢唱歌，睇怕要陳奕迅或者張學友訓練吓佢。（偉仔有無對你唱情歌？）無無無！（想唔想偉仔唱？）唔駛喇！我哋依家昇華咗，不過畀驚喜我，我都會好感激嘅。」

李家誠跟太太徐子淇。

何超瓊到場支持。