出書談及張栢芝經歷捱轟 劉美娟：她叮囑要寫慘點
劉美君這次被罵得冤枉。
劉美娟覺得好有啟發性，所以出書紀錄11位圈中好友的成長故事。
劉美娟退隱16年做全職媽媽，之前曾與丈夫張崇德合著育兒書，早前又推出新書《擁有失去》，書中紀錄11位圈中好友包括歐陽震華（Bobby）、毛舜筠及張栢芝等的有趣成長故事。但有指她爆栢芝料惹來芝迷不滿，力斥此舉不是朋友應有的行為，其實書中內容全部輯錄栢芝的電台訪問內容，栢芝當然知道fans怪錯好人，所以反安慰劉美娟：「唔緊要啦，人哋點睇點諗，我哋公眾人物控制唔到嘅！」
劉美娟眼中的栢芝是Superwoman，為兩個仔做得幾多得幾多。
劉美娟和《壹號皇庭》演員如歐陽震華、陶大宇及蘇永康等時有聚會，關係好好。
風波告一段落，帶點委屈的劉美娟說：「我根本冇爆栢芝料，內容全部係輯錄佢做過嘅訪問，佢知道我寫書，仲話好呀好呀，叮囑要寫得佢慘啲，因為o依家嘅小朋友太幸福，要比佢哋知道以前嘅細路仔冇父母理，周街走。」劉美娟眼中的張栢芝堅強又積極，是「Superwoman」，好厲害。雖然對方的童年有缺失，但對兩個囝囝，就做得幾多得幾多，就算她多累都會每朝送兩子返學。
小鳳姐跟劉美娟張崇德夫婦關係密切，還見證住崇德博士畢業，美娟生仔、坐月、滿月及出書等大日子。
劉美娟構思新書多年，主因是在電台做節目時有機會和不少藝人朋友做訪問，提及精彩童年及家庭等成長背景好有啟發性，她認為家庭好重要，所以決定將故事化為文字。其中會提到與她如同「家人」般親近的小鳳姐：「佢好聰明、轉數又快，雖然細個要走場唱歌搵錢，但佢反而覺得係福氣，因為佢係家中大家姐，父母要求佢睇住5個細佬妹，佢就好精叻咁將細佬妹『外判』，老2睇老3，老3睇老4…從而教導到細佬妹照顧下一個，唔好依賴，至今幾姐弟妹關係好到不得了。」
劉美娟復出和吳垈融及吳思佳等拍《飛虎之潛行極戰》。