愛錫老婆都係宇宙最強

「宇宙最強」甄子丹除了打得，仲出晒名錫老婆汪詩詩，二人結婚16年依然恩愛，皆因丹爺講過乜都畀晒老婆，絕對係百分百嘅「愛妻號」。雖然他拍親戲啲片酬都億億聲，但56歲的丹爺上周三（11月27日）宣布拍埋《葉問4》就「收山」唔再拍功夫片，似乎想留多啲時間陪老婆仔女。日前Free番好多嘅丹爺，一身街坊look陪素顏太太詩詩到中環行超市。《頭條日報》見他跟住老婆去揀好多食品，兩人又商量買咩調味料，短短半個鐘手推車兩個籃Full晒。之後負責查數嘅詩詩畀完錢，丹爺就醒目地用手推車將三大袋食品推落樓下攞上座駕，全程親力親為，搞掂晒再拖住愛妻到四季酒店撐枱腳。見詩詩食飯時笑得好甜，就知呢個「阿四」有幾成功啦！

試完即買 丹爺試食Nuts津津有味，即買兩包。

丹爺為咗頭家多年來搏到盡拍戲，最威水係飾演「葉問」呢個角色，10年前拍完第一集勁受歡迎，到10年後拍到《葉問4》居然仲有捧場客，難怪丹爺都話要多謝大家咁多年嘅支持。不過他覺得見好就要收，上周三（11月27日）為本月上映的《葉問4》出席宣傳活動時，他坦言今集唔單只係《葉問》系列嘅最後一集，亦都係佢最後一套功夫片，他解釋：「拍咗咁多電影，功夫片差唔多喇，《葉問4：完結篇》作為我嘅最後功夫片，希望可以寫下寶貴嘅一頁。」其實有咁嘅決定，唔多唔少都係為咗老婆同仔女，因詩詩曾嘆老公拍戲唔定時，連假期都冇得預，通常要到last minute先知道，加上丹爺都56歲，係時間要享受人生，留多啲時間陪屋企人。

模範夫妻 丹爺同詩詩結婚16年，一直都好恩愛。

試完即買 丹爺試食Nuts津津有味，即買兩包。

跟得老公 丹爺全程做跟得老公好Enjoy。

一家和睦 丹爺一家四口感情好好，連他與前妻所生的大仔Jeff，亦不時參與家庭聚會。

親力親為 丹爺親自推車將三袋食品推到樓下，仲拎埋上車，全程唔使司機同家傭幫手。

親力親為 丹爺親自推車將三袋食品推到樓下，仲拎埋上車，全程唔使司機同家傭幫手。

最後一擊 《葉問4》即將在下月20日上映，可欣賞丹爺最後一部功夫戲。