粉絲們都對小紅姐信心十足！

剛獲授銅紫荊星章的惠英紅，最近在新戲《翠絲》中，演繹愛好演粵劇的家庭主婦，因愛面子跟結婚多年的丈夫姜皓文雖然有名無實，但依然啞忍更反對老公離婚變性。小紅姐坦承角色難度不算高，只要拿捏好其愛面子這點就可以，所以在跟老公攤牌一幕，歇斯底里表現令人讚歎，更憑該角色再獲提名金馬獎最佳女配角，對得獎小紅姐亦信心十足。

小紅姐早前獲特區政府頒授銅紫荊星章，之後公司為她舉行慶祝會。（資料圖片）

紅姐對自己再奪金馬獎有信心，但不會期望太大。

小紅姐認為今次演「安宜」這角色不算困難，只因身邊不少類似人物可借鏡，「佢係個好傳統嘅女人，亦都好愛面子，所以明知同老公嘅問題，點都唔肯去面對，寧願死忍，甚至要求老公同佢一齊講大話，都唔想公開事實，其實我身邊好多呢類票友（業餘粵劇愛好者）朋友，所以唔難揣摸角色。」

身為家庭主婦的「安宜」，平日最愛演出粵劇。

談到戲中最激，要算是老公姜晧文向「安宜」攤牌，決定離婚再變性一幕，小紅姐情緒失控的神級演繹，令人讚歎。小紅姐就很謙虛地說：「其實只要明白『安宜』心態，只要拿捏到佢愛面子呢點，好自然就會咁歇斯底里，嗰日拍攝前我哋只係大概度咗個位，我喺地方不停咁典，係情緒到順勢表現出嚟。」不過，講到最鍾意一幕，小紅姐覺得同「囝囝」吳肇軒聊心事最有feel。

跟老公「大雄」結婚多年，但「安宜」明知兩人之間不是愛情。

小紅姐最鍾意戲中跟「囝囝」吳肇軒傾心事這場戲。

對於第四度獲提名金馬最佳女配角，公布時因小紅姐身在飛機，落機開電話收到很多訊息，令她嚇一跳，「我以為屋企出事，知道後真係開心到喊！講到信心，話冇信心就呃人嘅，但唔會太大期望，因為11年憑《倩女幽魂》提名時，我自己覺得『姥姥』演得好好，但係最後都係攞唔到獎，所以獎項嘅嘢，要睇天時地利同人和好多嘢配合，所以真係話唔埋。」

小紅姐去憑電影《血觀音》獲得金馬獎最佳女主角，「我一早答應今年會去做頒授嘉賓，估唔到依家仲有提名。」（資料圖片）

小紅姐認為得獎要睇天時地利同人和好多嘢配合。