勤洗手狂搓手！7大消毒搓手液买唔到都可以自己整？

守株待兔？不如自己落手做！

武汉肺炎爆发之后，除咗口罩一个难求之外，连带所有消毒杀菌嘅产品都一样成为大家抢购嘅目标。以前药房好容易就买到嘅消毒酒精，都仿佛消失咗喺呢个世界咁样，跑十几廿间都买唔到一支。但系本着香港人打不死嘅精神，又点会坐以待毙呢？唔少网民都开始「自救」，研究点样自制酒精搓手液，即使效果未必完美，都顶住当先啦。

根据GoogleTrends显示，喺香港地区用关键字「搓手液」嚟搜寻相关主题，入面可以见到最近3个月嚟都有好多人喺到搜寻点样自制搓手液，小编今次就用《KEYPO大数据关键引擎》帮大家调查咗喺自制搓手液嘅关键领袖，一齐嚟睇吓啦！

wongtsuiyu（黄翠如）

消毒产品周围扑都未必买到，而酒精当然都一早断晒货。早喺1月28号年初四，黄翠如已经系佢嘅Instagram上面教大家自制消毒搓手液。翠如bb开post，公开佢妹妹自制嘅搓手液嘅材料同成分，呼吁大家一齐做吓手工，一齐消毒打赢呢场仗咁话～虽然买唔到酒精姐，不过大部分化学原材料都仲可以买得到，自己整完再送俾一班亲朋好友，真系分分钟开心过收利是！

image source:IG/wongtsuiyu

K Kwong

由博士教大家DIY做消毒搓手液梗系零舍有说服力啦，化学博士K.Kwong 喺Facebook上面除咗分享点样用乙醇、甘油、清水自制消毒搓手液之外，亦都有提醒大家正确嘅消毒观念：生物用浓度70度酒精搓30秒，而死物就可以用1:99漂白水消毒。另外呢个自制消毒抹手液仲有个好处，就系冇酒精咁干燥，消毒嘅同时亦都对皮肤冇咁大刺激，大家如果买到材料嘅都可以试一试！

image source:Facebook/K Kwong

The Hong Kong Polytechnic University

成日都话学以致用，理工大学今次就做咗完美示范啦。理大应用生物及化学科技学系嘅副教授容博士，率领同事同埋一班研究生，合力制造一批消毒搓手液，透过社会福利署送俾长者同弱势社群。大家都知，一般长者可能比较容易忽略消毒，而弱势社群未必有能力负担消毒用品，理大教授同研究生为社会出一分力真系抵赞呀！

image source:Facebook/The Hong Kong Polytechnic University搓手液两支thx

虽然宜家喺网上面一揾就大把自制酒精搓手液嘅教学，不过搓手液嘅消毒效果始终都好在乎比例，万一比例唔啱，消毒效果可能大打折扣。加上香港人咁忙碌，未必有时间喺屋企自己慢慢沟，所以好多人都仍然会继续寻觅市场上唔同牌子嘅搓手液，亦都会比较吓价钱、产地、成分等等，做个精明消费者。今日就等DailyView用网路大数据话你知以下呢七款就系网路热度比较高嘅牌子，我哋一齐嚟睇吓有乜分别啦～

7 Swashes 诗乐氏（117笔）

Swashes 诗乐氏喺80年代成立，宜家已经有30几年嘅历史，亦系目前全国各大医院使用嘅首选消毒产品。使用方法同有效杀菌程度同其他品牌差唔多，不过诗乐氏喺消毒啫喱要搓嘅时间就比较耐啦，要达到有效嘅消毒效果，挤系手上之后要充分搓洗3至5分钟直至干透，算系喺同类型嘅产品入边需时最耐嘅一款清洁啫喱啦。

image source:Facebook/ Mamatown

6 Eco Finest（257笔）

由香港公司监制，出口美国嘅Eco Finest酒精消毒搓手液，杀菌率高达99.99%，加入保湿成分同维他命E，消毒同时保护双手皮肤，使用适量喺掌心搓匀，直到干爽就得。呢款搓手液嘅酒精浓度系75%算系同类型产品入面较高，不过浓度都唔系越高越好，一般60度以上都已经可以有效消毒，70度嘅效果就系最好。

image source:hktvmall

5 Cellapy 思理肤（298笔）

来自韩国嘅Cellapy用嘅包装喺一堆消毒搓手液入面最与众不同，唔系使用胶樽而系用袋装，白色同湖水绿色嘅设计够晒韩国文青味。Cellapy其实系韩国高级嘅药妆品牌，喺好多皮肤科、整形外科嘅地方都可以见到佢哋嘅消毒产品。呢款搓手液同样无需水洗杀菌率达99%，加入天然润肤成份，消毒同时滋润皮肤，令大家精神紧张消毒多几次都唔怕手干。

image source:Facebook/Mo Mo Shop

4 Purell（384笔）

连美国医院都使用，再加上唔少医护人员推荐，Purell 呢个美国品牌嘅消毒酒精搓手液亦都系唔少人嘅选择。喺美国制造，酒精浓度有70%，有效清洁双手。温和嘅配方，直接用适量份量搓手15秒，之后就可以消灭99.9%嘅细菌，使用之后唔需要过水。用完之后只手都好干爽，再加上4种保湿成分，用多几次都唔惊对手干到裂。

image source:Facebook/PURELL

3 Walch 威露士（424笔）

「威露士我用威露士，齐齐洗手更容易～」听过呢句歌词嘅话，就暴露咗你嘅年龄啦！同滴露一样喺旧年被环保团体「世界绿色组织」公布为通过生物化学测试成份筛查嘅其中两款搓手液，杀菌效果同安全性有保证。除咗洁手液，威露士亦都有推出一系列嘅消毒产品，可以话系真系一条龙服务。消毒方法其实都大同小异，最紧要都系大家要记得勤消毒多洗手呀！

image source:Facebook/Walch Hong Kong

2 Dettol 滴露（1397笔）

唔知有冇人同小编一样由细到大都好钟意闻滴露𠮶阵味呢？滴露呢个牌子，系香港人都应该唔会陌生，大部份屋企亦可能长时间都会摆定一支滴露抹下屋企，而家非常时期更加要用嚟做多几次全屋消毒。滴露经典松木香嘅消毒搓手液，使用少量磨擦双手等待蒸发之后，就可以杀灭99.9%细菌。可以随身携带消毒，又闻到滴露经典𠮶阵味，对于「滴露迷」嚟讲就梗系首选啦。

image source:Facebook/滴露香港 Dettol Hong Kong

1 Schülke（2952笔）

Schülke嚟自德国，喺德国诊所、医院等等地方都系用呢款消毒产品，听落就知劲啦。作为全球第一个消毒剂品牌，除咗一般大家比较常听到嘅病毒，例如H1N1病毒、手足口病病毒等等，连一啲读起上嚟都有困难嘅棘手细菌「艰难梭状芽孢杆菌」，都一样可以有效消灭。一般消毒双手嘅话只需要3ml 搓手30秒就搞掂，Schülke一直致力于预防控制微生物污染，咁多年经验，绝对系信心嘅保证。