好似好刺激！

古天乐与姜皓文（黑仔）在新片《犯罪现场》中，有一场在佐敦闹市实境拍摄的重头戏「珠宝金行抢劫」非常瞩目，剧组耗资七位数（以百万计）搭建「利生珠宝行」，更封锁马路狂奔部分佐敦道及弥敦道进行拍摄，相当大阵仗。

剧组耗资七位数（以百万计）搭建「利生珠宝行」。

这场重头戏讲述古天乐饰演的劫匪「汪新元」，联同同党凌文龙、李璨琛、吴浩康及张松枝到「利生珠宝行」打劫，饰演警察的黑仔带领颜卓灵、徐广林等警员追捕，继而产生一系列悬疑事件。

拍惯枪战、动作片经验丰富的古仔说：「好多时我哋拍戏都系借个厂景，好少悬疑警匪片真系喺香港闹市取景，但我哋今次真系租咗个舖位，实境搭咗间珠宝店出嚟。个场戏好大，讲好多差人追捕，劫匪点样喺珠宝行打劫，同埋事后点样离开，我觉得个感觉好真实，震撼性好大！」  

古天乐在佐敦街头火拼黑仔。

古天乐在佐敦街头火拼黑仔。

问到拍摄的难处？古仔说：「拍摄珠宝行要争取时间，因为涉及街灯，晚上12点过后，街道好多街灯、霓红灯都会关上。另外，很多景要封街拍摄，要拍好多警车，拍警员跑几条街集合，仲要开好多枪，拍𠮶晚都引起咗啲恐慌，大家都真系以为有人打劫，我个角色要揸支机关枪系咁扫射，感觉比较少有，其实我拍片以来，好少有喺香港闹市拍一场咁真实性嘅枪战戏！」  

古天乐

美术组搭景落足心机，令不少人都以为场内的珠宝都是真，连黑仔对几可乱真的金行表示：「真系唔系夸口，我哋啲道具、陈设、搭景相当之神乎奇技，竟然我哋搭咗个珠宝行出嚟，有两个游客走入嚟想买珠宝，我哋同佢哋讲话系拍戏，佢哋话『哗！乜整到咁真！』！我好少喺香港揸车咁疯狂，第一次咁大个仔系佐敦道开对头车，仲要开枪！」  

姜皓文

姜皓文

姜皓文

首次饰演女警的颜卓灵亦表现雀跃说：「除了初尝开枪滋味外，还有一场为了追捕贼人在弥敦道及佐敦道十字大马路间拔足狂奔的戏，自己一边拍都觉得好紧张。珠宝行入面开晒机关枪，又有烟雾弹，又爆晒玻璃，其实开头我好惊，但一爆完之后就发现好安全，剧组会好睇住演员，一拍完导演马上问大家：『有冇事有冇事？』跌落嚟嘅玻璃碎全部都系胶，其实系好safe，我就好enjoy喇！完全唔使任何幻想力就可以好代入拍摄，包括望住嘅途人无论用睇拍戏定真系以为出事嘅心态都好，都好营造到件事！」 

颜卓灵

颜卓灵