她獲表姐夫欽點演賀歲片《肥龍過江》~

汪詩詩表妹湛琪清（Jessica）獲表姐夫甄子丹(Donnie)欽點演賀歲片《肥龍過江》，片中飾演翻譯員的她戲份不少，而角色跟她一樣，廣東話「好渣」，所以特別入戲。Jessica指表姐夫對她要求好嚴格，真是連親戚都無情講：「佢push我好多，覺得我做得唔夠好，會要求我做多次，對我好嚴格。」

Jessica婆婆是她的頭號粉絲，睇戲睇到手舞足蹈。

《頭條日報》報道，湛琪清自《八星抱喜》及《吉星高照2015》後已有6年無拍港產片，今次被Donnie哥哥提攜，覺得角色最適合她演：「所以更加落力，尤其因為廣東話太差，要將對白拼音，理解同消化，好彩當時男朋友，即現任老公金承威（Kenneth）好好，無論三更半夜，定係工作中，每次攞到劇本就即時打畀佢求助，佢會好用心咁將每句對白讀畀我聽，同我練習，逐句嚟更正我發音，坦白講，佢呢個行為係成功打動到我，感受到佢係嫁得過嘅good guy！」原來當時Kenneth準備向Jessica求婚，不過，知道她開工時會好緊張，最後等了一星期先行動。

湛琪清近年好節制飲食，身形Keep得好Fit。

《肥龍過江》是兩年前的作品，Jessica結婚差不多一周年，「今次老爺、奶奶、老公、叔仔都會嚟捧場睇首映，雖然好開心，但有壓力，因為第一次同佢哋睇我作品。老公仲打算之後包場，請埋家人、朋友再睇，佢話想支持我同埋支持套戲喎，老公知道我好愛演戲，佢會全力支持，唯獨唔太想我拍親熱戲。哈！佢好錫我，仲愛屋及烏支持埋我親人，之前拉隊睇咗兩次《葉問4》。」Jessica又指Donnie哥哥好勤力，對她要求好嚴格：「呢樣我好like，有咁大機會，我都想做好啲，唔想冇面啦。」

Jessica獲老公支持拍戲，是個幸福小師奶。

Jessica跟汪詩詩、圓圓、子丹、蔡加讚及二姨媽、婆婆感情要好。

老爺、奶奶、叔仔鍚到她燶，經常拉隊撐子丹場。

湛琪清於戲中同甄子丹及日本演員竹中直人有較多對手戲。

Jessica好愛演戲，18歲已在美國做TV Show《iCarly》。

前年湛琪清留在美國拍西片《Kick Roxer Retalitation》。