局長都有搞怪的一面！

今日是長者日。勞福局局長羅致光應中電邀請，昨提早跟250名老友記一起過節慶祝長者日，齊齊拍攝經典粵語片劇照，回到五、六十年代美好記憶中。

中華總裁蔣東強（TK）同羅致光昨即場扮鬼扮馬，同老友記一同拍攝粵語長片劇照；他又做一日歌手，孖住中學舊同學、東華三院執行總監蘇祐安大唱經典金曲，在場老友記聽出耳油。不少老友記話見到會場佈置成懷舊戲院就好興奮，勾起很多回憶。TK更大讚中電義工同老友記有傾有講，做到長幼共融。

「和您一起過節」活動自一四年開始舉辦，先後與不同的社區夥伴合作，連同中電義工，曾陪伴超過三千多名長者及基層巿民歡度端午節、中秋節、長者日等多個佳節，並分享環保小貼士。