竟然嫌三嫌四?!

港女獲編配入住葵盛西邨。(網上圖片)

現時有公屋已經係屬於人生勝力利組，不少人抱抽獎心態排公屋抽居屋，求一個安樂窩，中籤已經「謝天謝地」。但有女網民前日收到房委會來信，通知她獲派葵盛西邨一個公屋單位，月租2057元，但她嫌棄大廈樓齡「老過我仲要係二樓」，並拒絕接受該單位，引起網民討論。

港女不滿葵盛西邨樓齡高拒入住。(網上圖片)

根據該網民貼出的信件顯示，獲派的單位位於葵盛西邨某座一個二樓單位，月租僅2057元，但她對此感到不滿，「食骨頭真係慘，樓齡老過我仲要係二樓。今天已經視察環境了當面拒絕了。博下次，真係趕不上滿東。」根據房屋署資料，葵盛西邨於1975年入夥。

葵盛西邨於1975年入夥。(資料圖片)

不少網民認為在一屋難求情況下，不應該放棄機會，「有樓畀你重要嫌三嫌四，唔好要去買樓啦！你想要幾大幾新都有」、「$2057，租個車位都唔得啦」。