「开房」热潮　人多人少都无问题！

想同一班friend揾个地方聚一日，最舒服最轻松就一定系喺屋企开P，不过香港地少人多，想揾个人屋企可以咁大容纳晒成班朋友都唔系咁容易。呢个时候一间Party Room就最适合大家玩一日hea一日～除咗提供唔同游乐设施之外，房间有唔同嘅主题适合大家影相、玩board game、唱K，全部都一次满足晒，好过去餐厅或者Cafe。难怪近年Party Room越嚟越红啊！今日就嚟睇吓香港呢二十大讨论度最高嘅Party Room到底有乜咁特别！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

image source:

image source:

10 Amigos party

呢一间Party Room虽然得三个主题房，不过位于旺角呢个热门地带，曾经比新假期介绍过，所以其实都询问度几高㗎！入面有适合三五知己一齐煮饭仔嘅美式主题房，仲有专俾大家影相嘅地中海主题房，亦有提供圣诞到会服务，嚟紧圣诞节如果仲未约到地方嘅话，都系一个唔错嘅选择！如果圣诞节约唔切，新年之后想约几个朋友出嚟聚吓旧就最啱啦～

地址：旺角塘尾道66-68号福强工业大厦A座14楼05室

电话： 5167 0591

image source:Facebook/Amigos' party

9 Hey Garden 零食放题

约朋友出嚟玩，就梗系要一边食零食一边倾计啦，全港首个有零食放题嘅Party Room，听落就已经好吸引！超过100款香港、日本、韩国，台湾嘅零食任你拎！边玩边食，感觉上真系觉得特别抵！场内一样有好多唔同嘅影相打卡位，如果想影同朋友影相放上Instagram，绝对唔使担心冇靓背景～

地址：九龙荔枝角青山道489号香港工业中心A座4楼6C室

电话：6114 7220

image source:Facebook / 零食放题 Hey Garden

8 Homie Kitchen 食前方丈

Home Kitchen同一般嘅Party Room唔同，佢最特别之处就系会定期举办各式各样嘅烹饪课程，由资深嘅厨师教导，四个人以上就可以包堂，啱晒几个朋友约埋一齐去。现场嘅报置好有气氛，而且教导菜式都好有质素，前排仲教大家炮制大闸蟹，睇到相都流晒口水呀。选用嘅食材一D都唔马虎，如果对煮嘢食有兴趣一定唔可以错过！

地址： 香港九龙湾宏开道13号景发工业中心4楼

电话： 5339 3095

image source:Facebook / Homie Kitchen 食前方丈

7 Party First

喺香港呢个繁忙嘅大都会，可以接触大自然嘅机会比较少，呢间Party Room以森林做主题，舖咗仿真草皮模拟大自然嘅环境，喺闹市之中叹住冷气置身森林之中真系几特别。细个去XX乐园必定会玩嘅气垫球呢度都有，而且仲有自动麻雀机同埋唔少得嘅board game，入边嘅布置都几有气氛㗎。

地址：香港葵芳金龙工业中心3座 20楼L室

电话：5235 4943

image source:Facebook / Party First HK

6 TGIF Party Room

喺荃湾呢一间大型嘅Party Room超过2500尺，最啱一大班朋友一齐嚟，以工业风做主题，而最特别之处就系场地入面有一个150尺嘅波波池，熄咗灯之后呢个波波池散发住蓝色嘅灯光，最适合影相放上Instagram，一定呃到唔少like呀！呢度亦都有K房，一大班friend一齐唱high歌玩返日，真系谂起都热闹！

地址：荃湾横龙街14-22号德士古道工业中心B座

电话：9220 1394

image source:Facebook / TGIF Party Room

5 La Porte

La Porte系全港唯一主打影楼加派对房一站式服务嘅Party Room，室内设计以梦幻粉色同高贵简洁白色为主，如果想同一班姐妹、屋企人搞聚会、Party顺便同大家留影做纪念，影返辑靓相嘅话，呢个地方就啱晒你哋！场地接近一千呎，有独立嘅摄影同派对场地，灯箱脚架等等摄影、音响都提供租借服务，千尺影楼比大家大影特影！另外当然唔少得Party Room必备娱乐设备，玩得开心之余仲可以影咁多靓相，咁吸引，唔怪得成日预约爆满啦！

地址：九龙新蒲岗双喜街一号安田中心八楼802室

电话：9862 0822

image source:Facebook /La Porte

4 Party Iconic 玩乐点

梦幻风、少女风嘅Party Room大家都见得多，不过有时一班朋友有男有女，可能唔系个个啱，呢个时候不妨考虑吓够晒特色、男女都钟意嘅工业风主题啦。

一班人聚埋一齐，打机就系必备环节，除咗经典街机，比较特别嘅系呢到仲有近年大热嘅夹公仔机同篮球机，由小朋友玩嘅波波池到大人必备麻将都一应俱全，设备真系多到讲唔晒，每个朋友仔要求都可以满足啦！

地址：屯门建泰街6号恒威工业中心B2座8楼12-13室

电话：5115 4479

image source:Facebook / Party Iconic 玩乐点

3 Kidults Land Party Room

睇个名kid加上adult就知道呢一间就最适合「大细路」啦，目的系希望可以提供一个舒适嘅地方俾大家相聚，喺香港呢个生活节奏急速又紧张嘅城市入面，可以有一个空间去抖吓气，做返个「大细路」！唔少大人都希望好似小朋友无忧无虑咁去玩，呢间Party Room布置同道具都可以比大家短暂享受细个嘅欢乐时光，约埋同一班好朋友一齐返老还童都几有趣～大细路玩得开心，真细路当然都一样适合，如果想搞亲子聚会，呢到都系一个好选择呀！

地址：九龙荔枝角永康街79号创汇国际中心8楼E&F室

电话：9069 2568

image source:Facebook / Kidults Land Party Room

2 Secret Party

Secret Party 主打主题细房，更加系少数有专为二人派对而设嘅Party Room ，想同好朋友倾心事，或者同另一半拍拖过二人世界、打机、睇戏，煮野嘢食都无问题！两间分店总共差唔多有40间房咁多选择，嚟多几次都唔怕撞房。讲到最特别，就系居然仲有「一人派对」，以前有人话「毒」嘅最高境界系一个人睇戯、打边炉，咁唔知自己一个去party room又系边个level呢?

地址：观塘巧明街116-118号万年工业大厦6楼C室；

尖沙咀加拿分道4-4A号利嘉大厦3楼

电话︰6332 0645

image source:Facebook / Secret Party

1 Comma Party

名列榜首呢间Party Room，占地超过20,000尺，总共有超过20间主题馆，而且曾经被多间媒体报导过，无论系2个人定200个人，呢到都一样可以满足到你。唔少访问拍摄同产品发布都曾经选择用呢个场地进行，独特房间风格，更加连廉政公署都曾经租用过当中监仓主题房拍广告。入面装修、摆设够晒本土味，影相出嚟效果包保有质素！

地址：香港观塘巧明街106号冠力工业大厦15楼02室

电话：9735 6464

image source:Facebook / Comma Party

分析说明：

本研究资料由《KEYPO大数据关键引擎》提供，分析时间范围为2018年12月05日至2019年12月04日。

网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论『PartyRoom』相关文本进行分析，并根据网友就该议题之讨论，作为本分析依据。

本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。

推荐文章︰

高以翔猝死！揭「死亡自负」秘密合约　连工作人员也看不下去

黑糖珍珠鲜奶要饮边间？网民热门第一竟然唔系老虎堂？