上次讲到终于照完唐氏~~好不容易过了12week~~个个都话头3个月要好小心~~所以我都格外要戒口~~因为真系唔想有咩闪失~~未做过妈妈既真系唔知~原来头3个月真系咁辛苦~~我系头4个月先对~~

之前因为头4个月都好唔舒服~~所以都无咩出街~~除左产检之外~~我都系系屋企休息~~好幸运我唔洗返工~~~可以抖下~~BB都长得好好丫~~由我验到有左8week开始~~个胃就好辛苦~~野又食唔落~~

本身我自己个胃又唔好~~可能系咁我既害喜情况都几严重, 综合我的初期不适如下:

-反胃~食咩都想呕~饮啖水都呕

-无胃口~为左生存而吃几口~~唔会觉得肚饿~食量比以前食少左2/3~~~

-头晕~企得耐同坐得耐都会晕

-晕车浪~之前无架~~宜家坐巴士同火车都会晕

-耳呜~静止同埋O训觉都会

-呕吐~个感觉系强烈到呢...早上一起身~~晚上睡觉前~~刷牙会吐水~~食得太饱会吐~~闻到喷发水会呕~~整个孕期真呕出来大概十几次~~作呕就成日都有

-口苦~~个口觉得食咩都苦~~直到16week都觉得有阵怪味..搅到唔想食野~~只有食d浓味少少先会食得落~~例如麦当奴..

-胸胀痛~~比起谷m前~~胸胀得好厉害~~又会痛~~前2个月都未换新内衣~换左d家居型无纲线就有好一点~直到16week就无痛啦~

-嗜睡~~虽然个人都好唔舒服~~胃口又差..但唔知点解我真系好o训到..成日都觉得累~~每日12点半可以一直o训到10点, 中间都会午睡一小时~如果偶然知道明天会有野做我会有少少失眠

-尿频~依稀记得好似10week左右~~都会比平时去多左洗手间..但最奇怪的是~~我每晚都准时5点9就弹起身去洗手间~~好尽时~~一直持续到16week~~>_<~所以睡眠质素真系有d影响~起左身又唔系咁易o训得返~所以日间要补眠

-醒o训~未有bb之前...其实我系极度唔醒o训架~~即系咩声都嘈我唔到...但有左BB之后~可以未天光就醒..再O训返都系半睡半醒..唔得深睡...所以有时都会好累~~

-腰痛~~虽然头3个月个肚都未算好大~~但我发觉条腰会易攰..企得耐坐得耐都辛苦~~由其系煮饭既时候~~所以我企得耐就要坐下...

-忌油烟~~大家都知道我系好喜欢煮饭, 通常一星期都会煮4至5餐, 但初期好唔舒服个阵真系煮唔到..因为闻到油烟味会想作呕~~所以要煮一煮就离开~~我老公都好锡我..所以头2个大多数买外卖食..等我唔洗咁辛苦

以上系咁多啦~~虽然都系好辛苦~~不过我都知道呢D系做妈妈甜蜜既负担~~我每日都希望快D恢复味觉...因为我好钟意食野~~所以食唔到野系我呢个孕期最惨既事~~同埋都想阿B健康D~食多D营养野~~

各位准妈妈要加油丫~~头3个月真系唔容易丫~~~~我就呕足4个月~~~最紧要多休息~~唔好有压力~~尽量唔好做粗重野~~食野要清淡~小食多餐..平时一日三餐宜家要一日6餐..份量减半~

好快就可以迎接第4个月~~16周既蜜月期~~好好享受做准妈妈既感觉~~