她呻：「下次自己剁豬肉好過」

超市和街市的食物，未必如看上去的新鮮，一名媽媽在大埔大元商場一間肉檔買了碎豬肉煲粥，豈料女兒就食出魚骨，更鯁在喉嚨，令她咳到有血絲，令該名媽怒呻「下次自己剁豬肉好過」。

網上圖片

該名媽媽在FB「Tai Po大埔」羣組發文，表示煲了瘦肉粥，不過女兒「食食下點知話口嚨痛有骨吉住」，她感到非常奇怪，覺得「瘦肉粥怎會有魚骨？」怎知一檢查女兒喉嚨，「見到成條魚骨插咗喺口嚨」，之後更再在其餘炒好的肉碎找到好多條魚骨的物體。

該名媽媽之後找豬肉佬理論，但他無道歉，更堅持不是魚骨，而是豬骨，更叫她拿去化驗，「可能我真喺見識少啦，未見過咁嘅豬骨囉，今次好彩阿女唔使睇醫生，只喺咳到有啲血絲。以後想食豬肉碎都係自己剁好過！因為唔知佢哋攪肉碎機有幾乾淨！」

有網民表示，可能是攪肉機之前攪完魚肉未清理乾淨，亦有人認為可能只是豬毛。不過也有曾幫襯同一間肉檔的網民指，之前也有遇過相似情況。