民主黨則提醒選民要提防「掌心雷」。

今屆區議會選舉首次無「白區」，即「區區有競爭」，無人自動當選，建制與泛民正面交鋒。民建聯在網上特意呼籲選民要好好保管身分證，民主黨則提醒選民要提防「掌心雷」。

民建聯副主席陳克勤昨在社交平台facebook上發文貼圖，約定大家今日見、齊投票。貼圖除了重申今日投票時間，溫馨提示選民起身後可食完早餐才出門，由於早前有人呼籲收起屋企長者的身分證，以阻礙他們投票，克勤就提醒大家記得帶身分證去投票，仲話「身分證好重要，要好好保管」，勿隨便被人拎走證件。

民主黨的貼圖就呼籲選民早些起身去投票，「7:30就好排隊去投票」，又提醒孝順仔女可以同屋企長者飲完茶再一齊投票，同埋及早去老人院拎回長者院友的身分證，唔好由院舍保管，「提防保皇黨又用掌心雷」。

經民聯梁美芬亦拍短片提醒選民的一票非常重要，因為它可以救回香港，希望大家支持做實事、反對暴力及破壞的候選人。