冷嘲熱諷令人難受⋯⋯

有網民在Facebook羣組「的士司機資訊網 Taxi」發文，指其一名女性友人近期不幸小產，前日與其母乘坐綠色的士前往粉嶺和合石拜祭時，因落車地點不清晰，遭到司機冷嘲熱諷，「你哋啲人都唔知點拜山...咁無心就唔好去啦」，令女事主不禁在車上落淚。

資料圖片

網民透露，其朋友上車說要去和合石，的士司機隨即問「和合石邊度」，女事主於是猶豫片刻，司機就不耐煩催促「諗清楚先講唔好ER」。女事主於是再答「紀念花園嗰度」，司機於是「答一反三」，譏諷「邊度紀念花園，你都唔識講我點知邊度，你哋啲人都唔知點拜山，年年都拜年年都唔識講，咁無心就唔好去啦」。

女事主當下沉默，但不禁在車上哭泣。的士司機更意猶未盡發牢騷，「我唔係話你哋，係太多客都係咁，有啲仲話我你揸的士唔識嘅咩，你哋拜山都講唔出我揸車點會識呀」。

女事主到目的地後落車，女事主母親就抱不平說「你話錯人啦，我哋係嚟拜我個死咗嘅孫」，的哥堅持不認錯「我點知你哋先得㗎！」

這位司機的言行令網民不滿，留言「唔該的士司機積下口德 」， 認為的士行業被某類車取代並非無因，態度已經不是好，還要揀客。有網民留言「咁衰格嘅的士佬又咁啱比你地遇到」。

不過也有人質疑是否另有內情， 「和合石永愛園同紀念花園係兩樣嘢，如果真係樓主朋友嘅親身經歷，我唔信佢會噏紀念花園囉。永愛園先至係比小產早逝胎兒」；也有人覺得只是個別事件「一竹竿又不能打沉一船人嘅」。