要整整三個星期之後先寫番真係好難搞~
記憶得番一成，唯一可以幫我完成呢篇嘢嘅，就得番啲相......

盡量啦！
去到正曰喇，中午日上三竿先起身，
因為昨天六四晚會無食到嘢嘅關係，肚空空咁，
咁啱係端午節，緊係要食粽啦！
事實係屋企喺端午節當日仲有十幾隻粽......媽的...... （到今日都仲剩兩隻）



好，我終於可以做我嘅節日實驗喇！
首先，我緊係整隻粽先啦，鹹肉粽一隻，
一個人食對我係大隻咗啲，唔理！

仲有一杯 Gewürztraminer ，琴睌飲剩嘅，
本來諗住開埋支 Chablis ，即係上星期五買嗰支，
但琴晚飲半支，算，唔理！

弊！難題到！
我去到廚房攞隻粽出嚟先知......我唔記得點整粽食！ Fuck！！！！
最後死死地地打去問阿媽......
哦,原來係要煲嘅~
我仲諗住去蒸，到時真係要出年端午先有得食！



終於搞掂!
可以係 Food Wine Matching 嘅時候喇！
食一口，飲一啖......
都可以嘅，
但我個人覺得隻粽太大件，啲料又令到我好滯，再飲杯咁甜嘅酒，
好似怪怪地咁。
我都仲認為 Chablis 會襯啲！


最後仲整埋杯咖啡同 Breakfast Mike Tea，結果係......你估到嘅～

中午支酒都係飲唔晒，唯有等到晚餐啦！
唔打咁多，直接去 Foold & Wine Matching！



晚餐有豆鼓鲮魚抄生棻。

呢味配落我覺得算係咁，因為佢嘅辣對大部份嘅紅酒就唔係太啱，
一係你就搵啲單寧少嘅紅酒，一係你就搵白酒，
呢個時候，我呢啲喱民就緊係搵白酒啦，
我識Q邊隻白酒單寧少咩？
但可惜 Gewürztraminer 太甜，有少少美中不足。

第二味係

姑且叫佢盬味雞，因為我都唔知我阿媽點煮~

佢俾我嘅感覺係.........咩感覺都無，
我唔可以話佢唔 MaTch，但又唔係夾到囉，
廢話~


第三味係雜抄，有豆腐，支竹同鯇魚腩。

呢味都可以啦，
因為咪餸唔係太鹹，清清地，
當我飲啖酒，兩種味道都唔會被另一方沖淡，
還可以！

就係咁，
終於過咗端午，
終於寫完端午，
喺三個星期之後~
相关文章