【購物狂】咩都買！酒架都要買！

我略略咁計過，我每一個月大約會飲7﹣8支酒度，
Sorry，唔止我飲，家人朋友都會飲～
所以我屋企都會儲定10 支8 支酒，
然後我腦海裡，唔係，係眼前見到一堆酒......
一支支放喺度，一來唔美觀，
二來打直放酒其實係錯嘅，
酒一定要打橫放！

點解？答：打直放，酒塞會越來越乾，到最後龜裂，你開酒嘅時候就會好容易整爛個酒塞！
打橫放的話，酒可以長期同酒塞接觸，令到個酒塞唔會獨乾。
不過......
尤其係超級市場買嘅，其實都點放都無咩所謂～
點解？答：佢地從來唔會打橫放，個酒塞一早乾曬，你點都救唔番～

雖然我都好想買個酒櫃，但好快我就放棄咗！
咁我就開始不停搵酒喇，
首先當然係淘寶，平嘛！
我寧願買個平，咁我仲可以買多支酒！
我搵咗好耐，都係唔啱，唔係太大就係太貴，
最後我就去宜家傢俬，都要＄133，
正當我諗住失望而回之際，我見到實惠，
我立刻衝入去，終於俾我搵到價值＄78 嘅佢！

仲有四支先爆！

Johnny Walker 都係我至愛！

呢支想開好耐，但未有配搭食物嘅時候～

記住係打橫放！