繼續！
上回講到 Syrah 同辛辣麵嘅相遇到分開之後，
佢又再遇到另一個 potential lover，就係魷魚絲喇。



究竟佢會唔會係Syrah 嘅命中註定呢？

呢個combination 係一定要試，為何呢？
因為喱民們十個有九十九個都鐘意食魷魚絲~
我甚至見過有狗同人爭食魷魚絲嘅混亂情況，OMG！
只因為佢擁有曬過魷魚嘅鹹香，又有嚼頭，
簡直係香港人睇波吹水之首選！
再加埋酒，就會成為人與人之間緊密起嚟嘅橋樑，
世界和平嘅基石！



水唔吹太大喇，又副 Matching 時候，
首先嚼幾條魷魚絲，之後飲一啖紅酒‥‥‥
我立即有個感覺，我自己係唔係太戇X？！ （如支持打埋粗口，可以話我知！）

點解可以咁難飲架？
一陣陣鐵銹，再嚟加入戰團嘅係 100倍嘅腥味，
自問唔怕腥嘅我，都可以話，This round，腥 won~
最後嘅係苦澀味，三種味道貫穿我嘅嗅覺！
Fuck off！

我等咗十五分鐘，先覺得啲味消失。
究竟點解會咁？
一. 紅酒入面嘅單寧同鹹係會變成苦澀味
二. 紅酒入面嘅單寧同海鮮係會變腥同鐵銹味

嗱，奇怪喇，上堂明明話油嘅魚先會出事，但點解魷魚絲都會賴嘢？
相信呢個對喱民嘅我嚟仲會係一個迷‥‥‥

今之呢個又邪惡，又抵死嘅試酒，
我發誓，我會再試，因為我相信這個世界仲有奇蹟！