成員爆退會潮，湯家驊稱永不言敗。

資料圖片

行政會議成員湯家驊創立的「民主思路」近日爆退會潮，幾乎變了「民主Zero」。繼被視為忠實門徒的黃梓謙與商務及經濟發展局局長政治助理馮海容離開後，原聯席召集人宋恩榮及其太太、前秘書長宋陳寶蓮，都在社交網宣布退出。黃梓謙及宋恩榮都揀正湯家驊身在歐洲這刻跟他「分手」，黃打長途電話跟他交代，而宋就用短訊通知。

左三起：宋恩榮、麥嘉晉以及黃梓謙紛退出民主思路。資料圖片

湯家驊接受《東周刊》長途電話訪問時，大歎無奈：「點解唔等我返來，睇吓點樣繼續向前走？」他說，收到宋恩榮「分手」訊息好愕然，「因為之前毫無先兆，亦唔覺得佢同太太有離意。」但他說尊重對方意願，所以無挽留。而對黃梓謙，就顯得有點不捨得，「黃梓謙打長途俾我，大家傾咗好耐，佢話想出去闖吓。」

湯家驊。資料圖片

據悉，爆發退會潮跟修訂逃犯條有關，過程中湯家驊給予特首不少法律意見。有政壇中人透露，期間有人勸過湯家驊，是否應該與同政府走得咁近？但他為人堅持，勸的人唯有收口。「創會時話走中間溫和路綫，但阿湯為咗自己政治前途，令個會愈行愈建制。」湯家驊話返香港會同會員開會談去向問題，並強調：「我永不言敗！」

資料圖片