完全感受到大家對阿嬌嘅愛呀！

鍾欣潼（阿嬌）與老公賴弘國的婚宴於晚上9時開始，由BOYZ為婚宴打開序幕，一上到台關智斌（Kenny）就話：「好感動呀，因為大家都係同阿嬌一齊成長，今日見到佢真係好感動。」然後就播放二人早前在美國pre wedding片段。播完片後，現場小提琴奏出Westlife嘅《Beautiful Life》，新娘子阿嬌換過靚靚婚妙，由老闆楊受成帶領入場，全場歡呼聲及掌聲四起。

行到台前，楊老闆將阿嬌交給賴弘國後不忘再次叮囑說：「你要好好對阿嬌！」一對新人跟住在台上致辭，阿嬌邊喊邊話：「好感謝上天畀我遇到所有愛我嘅人、多謝公司18年嚟咁照顧我、幫助我。多謝老闆楊博士同埋我經理人Mani（霍汶希，我都想同我媽咪、公公（老爺）、婆婆（奶奶）說，以後我跟弘國（老公）一齊孝順你們，謝謝！」賴弘國亦向大家致謝，說：「感謝大家來到這個地方，見證我們幸福的時刻，然後我特別感動，也特別感謝我老婆的公司英皇對於我們的幫忙。」然後對住台下的嬌媽話：「放心把女兒交給我。」場面既浪漫又感人。

新娘子阿嬌換過靚靚婚妙，由老闆楊受成帶領入場。

新娘子阿嬌換過靚靚婚妙，由老闆楊受成帶領入場。

阿嬌感動落淚，承諾孖老公孝順公婆媽咪。

隨後工作人員就推出容祖兒同蔡卓妍（阿Sa）送給新娘子高1.9米、價值24萬的結婚蛋糕，蛋糕外形似足哈爾移動城堡。切完蛋糕，BOYZ就叫容祖兒同阿Sa就上台講講蛋糕背後的心思，祖兒一上台卻謂：「我想話畀你聽你老公畀到你嘅嘢，我哋都畀到！」阿嬌笑住問：「係咩？真係㗎？」張致恆（Steven）說: 「祖兒，攞出嚟得嗎？」祖兒秒回並指住蛋糕：「攞咗啦！」阿嬌甜笑話收到大家的愛，這份愛永遠在心中。

一對新人切祖兒與阿Sa送的價值24萬結婚蛋糕。

BOYZ為婚宴打開序幕。

BOYZ為婚宴打開序幕。

之後就到楊老闆上台致辭：「多謝各位親友，你哋今日蒞臨Michael同阿嬌嘅大喜日子，我喺呢度祝福佢哋百年好合，永結同心，幸福快樂。但我希望佢哋唔好連生貴子，因為阿嬌大咗肚呢，就做唔到嘢，因為對英皇娛樂嚟講，佢係其中一個最搵錢嘅藝人。」阿Sa就插嘴：「金蛋呀！我幫佢頂住先！」阿嬌聽到就精靈說：「即係幫我大住肚先係咪？」阿Sa爆笑回應：「幫你做住嘢先呀！」

阿嬌甜笑話收到大家的愛，這份愛永遠在心中。

阿嬌甜笑話收到大家的愛，這份愛永遠在心中。

阿嬌婚宴場面既浪漫又感人。

阿嬌婚宴場面既浪漫又感人。